Datorren ekintzak

Ventas: Atzo eta gaur

ZKA argitaratua 22 / Urr / 2013

foto

Landetxa Auzo Elkartea.- Landetxako aste kulturalaren barruan, urriak 5ean 1964ko lehen Bizilagunen Batzordeari egin zitzaion omenaldia: Pepe San José (lehendakaria), Pedro Davoz, Joxe Erquicia,  Mariano Fernández, Gregorio Gómez, Pedro Lekuona, Juan Luis Machío,  eta Miguel Oyarzun. Guztiak, gure auzoan izan diren eskaera, auzolan, mobilizazio, ekintza etabar askoren aitzindariak.  

Preso bat egunkari bat

sugorri argitaratua 16 / Aza / 2013

Irungo herri bilguneak "preso bat egunkari bat" kanpaina barruan afari bat antolatu du. Afaria hilak 30, larunbatarekin, 21:30tan Hazian egingo dute.  15€-ren truke txartelak Hazia eta Sunbillan salgai daude.

Afarian lortzen den diruarekin irungo preso politiko guztiak gutxienez egunero egunkari bat jasotzen dutela ziurtatzea da helburu.

Aurten ere, gabonetan preso eta iheslari politikoak gogoan izango dituzte

sugorri argitaratua 21 / Abe / 2013

Gaur eguerdian, Irungo Tantaz Tanta ekimenak, prentsaurreko masibo batean, gabonetan preso eta iheslari politikoen eskubideak aldarrikatzeko burutuko dituzten mobilizazioak ezagutzera eman dituzte.

Deialdiak:
 - abenduak 24, asteartea
    · 19:00tan kontzentrazioa San Juan plazan.

 - abenduak 27, azken ostirala
    · 20:00tan Zabaltza plazatik manifestazioa zuziekin.

Babesgabetasun sozialaren aurrean, informazioa

ZKA argitaratua 20 / Urt / 2014

foto

Urtarrilak 20 dituen honetatik aurrera, astelehenero 11:30etatik 13:00tara, bulego hau irekirik egongo da Lanbide-Euskal Enplegu Zerbitzuak kudeatzen dituen prestazioen berri emateko helburuarekin: Diru-sarrerak Bermatzeko Errenta, Laneko Diru-sarrerak Osatzeko Errenta, Etxebizitzarako Prestazio Osagarria eta Udalak zuzenean kudeaturikoak bezelako Pentsio Osagarrien inguruan informatzeko (hala nola Gizarte Larrialdietarako Laguntza eta Diru-sarrerak Bermatzeko Laguntza).

Informazio ezagatik edota informazio ez-osoa dela eta zenbait pertsona eskubide diren gizarte laguntzarik gabe uzten delaren egiaztapena izan da bulego hau irekitzera bultzatu gaituen arrazoietariko bat. Beste arrazoi bat eskubide sozialen aldeko borroka da. Horrela banakakoa, baldintzarik gabekoa eta unibertsala den Parekoen Oinarrizko Errentaren alde lan egitea da gure asmoa. Baita laguntza hauek arautzen dituzten lege horien hausteak eragin dezakeen salaketa soziala zein bidegabeak izateagatik lege hauen salaketa bera ere.

Irunen ere #Torturarikez

Pertsona bat (ez da egiaztatu) argitaratua 18 / Ots / 2014

argazkia Tortura: Estatu terrorismoa Irungo Ernaitik ez dugu atzoko eguna pasatzen utzi nahi, torturaren aurkako salaketa ahots batez gehiago indartzeko. Guk ere ozen esan nahi dugu tortura praktikak amaitu behar direla, eta era berean, hauek ahalbidetzen dituzten baldintza politiko eta juridikoak.

Baina aratago joan nahi dugu. Ez gaude prest torturaz idatzia utzi nahi duten diskurtsoa onartzeko: estatuko funtzionario konkretu batzuen indarkeria kasuak direla, oso gutxi eta agertu diren kasuetan behar bezala zigortuak. Hau gezur hutsa da eta torturaren praktika sistematikoak ezkutatzen duen errealitate beldurgarriago bat estaltzeko erabiltzen da: Tortura arma politiko bezala erabilia izan dela alegia, estatuko goi karguek konszienteki erabilia helburu politikoak lortzeko.