Sare y Etxerat.- Udazken bete-betean sartuta gaudelarik, iritsi zaizkigu negu giro eta Azaroko azken ostirala ere. Urtean zeharreko dinamikak aurrera atera ditugularik, gainean dugu urte amaiera eta urteroko legez, gainean ditugu gabonetako mobilizazio zein Urtarrileko manifestazio jendetsua ere.
17:30etan Ostomila taldeak "Baleazaleak" txotxongilo ikuskizuna eskeiniko du Auzo Lokalean. Ondoren Roberto eta Miguel plazatxoan 18:15etan txokolatada, 18:30etan "Altxorraren bila" jolasa, 18:45etan "Txistorra-potea" eta 19:30etan "Babarrunba" taldeko kontzertu ibiltaria izango dira.
ACUBI.- Elkarteak Elkartearen Ohiko Batzar Orokorra deitzen du, 2025eko azaroaren 27an, Irungo Palmera Montero Guneko 2. aretoan, 18’00etan, eta bigarren deialdian, 18’30ean, leku berean.
M8 Asanblada Feminista Bidasoa.- M8 Asanblada Feminista Bidasoatik Azaroaren 25erako deialdi berezia aurkezten dugu Bidasoan. Hendaia, Hondarribia eta Irun hiru kontzentrazio jarraitu egingo dira, herritar guztiak parte hartzera gonbidatuz.
Korapilatuz, Bidasoa eskualdeko esku-hartze sozialeko erakunde eta pertsonen gune irekia.- Laugarren urtez jarraian, FIVASCO, Migrantes con derechos eta Korapilatuz elkartuko gara, igande honetan, azaroak 23, Irungo Skate Park-en, Santiagoko Nazioarteko Zubitik gertu, eguerdiko 12etan, pertsonen aldeko oroimen ekitaldi batean, etorkizun hobe baterako bidaian, aurtengo lelopean: Ibilbide seguruak eta harrera duina eskubidez.