Bildu udal taldeak, udal gobernuak urdanibia plazarako aurkeztu duen proiektuaren inguruko iritziak, kezkak, zalantzak eta iradokizunak jasotzeko intentzioarekin bilera ezberdinak burutu ditu auzoko eragile, norbanako, auzotar, komertziante, tabernari eta azokako saltzaileekin. Burututako prozesu parte hartzaile hau positiboki baloratzen du eta bertatik ateratako ekarpen batzuk jada egin ditu.

Irungo Bildu.- Irungo BILDU-k bihar hilak 15erako antolatu den ekimenaren aurrean bere iritzia plazaratu nahi du.

Irungo Bildu.- Mezu honen bidez Emakume Langilearen Nazioarteko Egunaren harira Irungo Udaleko bozeramale batzordean atzo adostu zen adierazpenaren berri eman nahi dizuegu. Izan ere, Irungo Bilduk ez zuen babestu Eudelek sustatu eta Bilduk ez beste alderdi guztiek sinatu zuten manifestua, hutsune eta gabezia nabarmenak zirela tarteko. Horren ordez, bozkatzera ere iritsi ez zen testu alternatiboa aurkeztu genuen.

Hemendik adierazi nahi dugu, udalaren ebazpena babestu ez arren honek arratsaldeko 19:00etarako deitu duen elkarretaratzean parte hartuko dugula. Horrekin batera, argi adierazi nahi dugu bete betean egiten dugula bat Txingudi Anti Sexista plataformaren (TAS) deialdiarekin eta dei egiten diegula irungo herritarrei TASek deituta 19:30ean abiatuko den mobilizazioan parte hartzera.

Irungo Bildu. Atzo Irungo udaleko ohiko osoko bilkura burutu zen eta bertan, egun, herrian ditugun lan gatazketako biren langileak aurkitzen ziren bai aretoan eta baita kalean ere. 

Etxez etxeko zerbitzuko langileek hitza hartu ondoren gure taldeak galdera zuzena egin zion alkate jaunari, gazteleraz: “Usted, como máximo responsable de esta ciudad, ¿va a permitir que los y las trabajadoras que cuidan a las personas mayores de nuestra ciudad, trabajen bajo un convenio estatal?”. Alkate jaunak ohikoa duen moduan, zuzenean egin beharrean adarretatik joaz erantzun zion galderari.

Udal Erregelamendu Organikoaren 21 artikulu babespean, BILDU Udal taldearen izenean, Irungo udalaren 2013rako aurrekontu proiektuari aurkezten dio honako

OSOKO ZUZENKETA HAU

Joan den urteko aurrekontuei Bilduk ez zien babesik eman, ezta aurka bozkatu ere. Aurrekontu haiek pobreagoak baziren ere, Bildu abstenitu egin zen. Gure aldaketaren zergatiak hauek izan ziren:

Eredu berriak bilatu behar ditugu natura ustiatzeko, baliabide ekonomikoak erabiltzeko, zerbitzu publikoak kudeatzeko...Hau guztia Irunen egitea udalari dagokio. Eta arlo honetan ere, pentsatzen dugu bakardade politikoa ez dela bidelagun egokiena... eztabaida estrategiko hauek zabaldu behar ditugu, sektore eta sentsibilitate anitzen ekarpenak jaso behar dira krisi orokor honetatik irteteko. Hiritarron eta agente guztion parte-hartze aktiboa ezinbestekoa da.

Irungo Bildu.- Aurreko astean gure taldeak egindako adierazpenak Irungo alderdi popularra mindu du. Badirudi 2012ko otsailean kiroldegien kudeaketa esleitzeko momentuan udal gobernuari babesa zeinek eman zion ahaztu egin dutela. Arrazoi honegatik eta bestelako jarrerengatik ezin dugu sinetsi talde horren bozeramaileak adierazitakoa, kiroldegiak zuzenean kudeatu beharko liratekeela.