Aurten ere mobilizazioak prestatu ditu Itaia Emakumeon Antolakunde Sozialistak azaroaren 25erako, Indarkeria Matxistaren Aurkako Egunerako, "Indarkeria matxistari aurre egiteko sozialismoa eraiki" aldarri modura hartuta. Hain zuzen, Euskal Herriko 29 herritan deitu dute mobilizatzera Itaiako kideek. Irunen ere mobilizazioa antolatu du Itaiak, 19:00etan Moskun.
Azaroak 25 dela eta, “Emakumeei zuzendutako biolentziaren kontrako nazioarteko eguna”, Euskal Herria Bildutik ezinbestekotzat jotzen dugu esparru politikoan zein herritarren artean eman beharreko adostasuna eta konpromisoa gauzatzea, biolentzia matxistarik gabeko bizitzaren espazio komunak lortu asmoz.
Agintaldi honetan zehar, azaroaren 25aren eta martxoren 8aren testuinguruan egiten diren adierazpen instituzionalekin ez dugu bat egin izan. Aurtengoan ere ez dugu bat egingo eta arrazoi nagusia adierazpenaren eraketan datza.
Emakumeon kontrako indarkeriak ez du etenik, oraindik ere, esparru eta era anitzean emandako milaka eraso jasaten baititugu emakumeok. Baina egun bizi dugun krisi ekonomiko soziala ezaugarritzen duen prekarietateak; langileena, zerbitzuena, balioena, e.a. arduratzen gaitu. Krisi honen eraginez, langileok bizi dugun prekarietatea hazten doa eta zer esanik ez emakumeona.
