Bidasoko Itaia.- Ostiralean Bidasoko Itaia Emakumeon Antolakunde Sozialistak elkarretaratzea deitu zuen Irungo San Juan plazan “Indarkeria matxista orori aurre egin” lelopean, asteburuan jazotako erasoa salatzeko.

Hondarribiko EH Bildu.- Amaitu berri diren Hondarribiko jaiei buruz hiriko alkateak oso balorazio baikorra egin du. Hondarribiko EH Bilduko Udal Taldeak, berriz, balorazio horri zenbait iruzkin egin nahi dizkio.

Bidasoko Asanblada Feministak irmotasun osoz gaitzesten du Gijonen egindako sexu-agresio anizkoitza.

Berriro ere emakumeok jasan dugu inoiz eteten ez den indarkeria matxista, zeinak emakumeak hiltzen, erasotzen, bortxatzen baititu.

Gure aldetik, adore osoa bidaltzen diogu bizirik atera den emakumeari: harekin eta bere familiarekin bat egiten dugu.

Bidasoko Asanblada feministak beste behin gaitzetsi eta deitoratzen du Miarritzen egindako hilketa matxista. Feminiziatutako pandemia hori gelditu egin behar da, eta hori lortzeko, ahalegin eta bitarteko guztiak jarri behar dira, guztion erantzukizuna baita.

Berriro ere deitoratu behar ditugu sexu eraso batzuk, eta oraingo honetan Erandio, Mutriku eta Deustu udalerrietan gertatu direnak.