ESK Sindikatua.-Eusko Jaurlaritzak Osakidetza ixteko eta likidatzeko operazioarekin jarraitzen du. Oraingoan, Bidasoako ESIaren txanda da, umeentzako leku ez egokia izendatu berri baitute. Osasun Sailak jakinarazi berri du Bidasoako Ospitaleko larrialdietan ez direla 14 urtetik beherako pertsonak artatuko, eta guztiak Donostiako ospitalera bideratu beharko direla.
CCOO-LAB-ESK-UGT.- Irungo Correoseko langileek greba partzialak iragarri dituzte, uztailaren 3an hasi eta mugarik gabe luzatuko direnak. Lanpostuak ez betetzea kezkagarria da, eta denbora asko daramate egoera hori jasaten. lrunen muga guztiak gainditu dira, eta 9 lanpostu bete gabe geratu dira. 800 jakinarazpen baino gehiago pilatu dira hauteskunde osteko aldian, eta enpresak ez du inolako errefortzurik kontratatu edo hutsik dauden lanpostuak bete.
