Behe Bidasoako Eskubide Sozialen Karta.- Urte bete igaro da jada Zaldibarren dagoen zabortegian hondamendia jazo zenetik. Urtemuga beltza inondik inora. Gure zabor kudeaketa eredua goitik behera jauzi zen egun goibel hartan, bidean bi langileren bizitza eramanez: Joaquin Beltran eta Alberto Sololuze. Lehenak oraindik ere zabor artean jarraitzen du, ez dute topatu eta honen familiaren martirioak ez du amaiera ezagutu.
SOS Arrazakeria.- June Fernandez eta Lucia Mbomio kazetariek euren liburuak aurkeztuko dituzte eta Cony Carranza, Tatiana Bellorin, Esther Mayoko Ortega, Silvia Aguero eta Anaitze Agirrerekin solasaldia egingo dute.
Abenduaren 14an eta 1l8an, 13:30etan, ZOOM bidez jarraitu ahal izango dira solasaldiak. Ilzen-ematea beharrezkoa da genero.taldea@sosracismo.eu helbidera idatziz.
ITAIA Emakumeon Antolakunde Sozialista.- Berriro ere, ITAIA Emakumeon Antolakunde Sozialistatikan idazten dizuegu, Bidasoan egingo dugun beste ekitaldi baten berri emateko: Igande honetan, Azaroak 22an, 17:00etan, Irungo Palmera Montero Gunean, hitzaldi bat burutuko dugu, non Indarkeria matxistari aurre egiteko antolakuntzaren beharraz jardungo garen.