Bidasoko eskualdean urte luzez nekazaritza ekologikoa lantzen diharduen Aldatsa Baratzak Kakusai agrozozketa antolatu du iganderako, eguerdiko 12etan, Oiartzungo Ametsenea Hipikan (Igerobi bidea, z/g). Metodologia sinplea da: zelai bat ehunka lurzatitan banatzen da, eta lurzati bakoitzari lerro eta ilara bana dagozkio. Bi zaldi askatzen dira zelaian, eta lehenengo bi kaka mokordoak non erortzen diren, rifa irabazlea dutenak izango dira saridunak.

Hemen da aurten ere ALDATSA baratza kooperatiboako eta XALBARDIN baratzakook antolatzen dugun ez ohiko zozketa, KAKUSAI AGROZOZKETA !

ZER DA KAKUSAI AGROZOZKETA?

Aldatsa Baratza.- Duela bi urte, agroekologia bultzatzeko, eta elkarlanean eta autogestioan oinarriturik, Aldatsa baratza sortu genuen.

Gaur egun 60 pertsona inguru gara eta kudeaketaren ardura guztiona da. Garaian garaiko barazkiak landu, bildu eta banatzen ditugu.

Bilketa-banaketa larunbatero egiten dugu. Barazkiak Lakaxita gaztetxera eramaten ditugu, eta astero 20 saski banatzen ditugu.