Aurten abuztuaren 14tik 17ra izango dira. Zalantzarik gabe, aurtengo "nobedadea" Fermin Muguruzaren kontzertua izango da, auzoan "geldialdi tekniko" bat eginez. Ez dira faltako, halaber, jai hauetako ohiko jarduerak, hala nola, paseo historikoa (auzo honek badu historiarik), herri bazkaria, Kemen taldea euskal dantzarekin, patata tortilla edo artisau eta bigarren eskuko artisauen azoka txikia. Baita pala txapelketa ere. Asteburu luzea, dudarik gabe, ondo pasatzeko eta autogestioa aldarrikatzeko.

Ahopeka ibili ohi den faxismoa lotsagabe agertu zaigu gure herri eta auzoan, Moskun. Gure plazan jazo zen gazte magrebiar baten jipoitu txalotu ostean, “Vamos a darles caña a los Moros rateros” lelopean indarkeria arrazista zabaltzeko deialdia zabaldu dute, dirudienez, duela gutxi, Irungo beste auzo batean gertatutako ustezko lapurketa saiakera bat tarteko. Larunbata 25, gaueko 22.00etan, “todo el mundo en Moscú (irun) bamos a darles caña a los moros rateros” dio deialdiak. Mozorroak erantzirik, harrotasun osoz, oldarraldi faxista bati bide emateko saiakeran.