Preso Politikoak

Euskara

Ostegunean berriz Patxi Ruizekin elkartasuna adierazteko kontzentrazioa Irunen

Data: 
Osteguna, Maiatza 28, 2020 - 19:00
Non: 
San Juan plaza

Gaurkoan Patxik bere 17. eguna betetzen du gose greban. Hauei lehenengo hamabi egunetan egindako egarri greba batzen zaizkio. Ezarritako berrogeialdia ekainaren 9ra arte mantenduko diote, eta denbora horretan ezingo du ezta abokatuen bisita ere jaso. Covid-19az geroztik kartzela horretan onartutako bideo-deiak ere ez dizkiote emango, erizaindegiko moduluan estaldura falta dela argudiatuta.

Hondarribian asteartean Patxi Ruizekin elkartasuna adierazteko kontzentrazioa

Data: 
Asteartea, Maiatza 26, 2020 - 19:00
Non: 
San Pedro kalea

Gaurkoan Patxik bere 15. eguna betetzen du gose greban. Hauei lehenengo hamabietan egindako egarri greba batzen zaizkio. Bere egoeran ez dago aldaketa azpimarragarririk. Berrogeialdian jarraitzen du erizaindegian eta gose grebarekin aurrera jarraitzen du.

Igandean berriz Patxi Ruizekin elkartasuna adierazteko kontzentrazioa Irunen

Data: 
Igandea, Maiatza 24, 2020 - 20:30
Non: 
San Juan plaza

Gaurkoan Patxik bere hamairugarren eguna betetzen du gose greban. Ez da asko Patxiren inguruan gaur daukagun informazioa, baina daukaguna honakoa da:

Ostegun arratsaldean Murcia II-ko Kartzelak Patxiri eskaini zion ospitalera eramatea, baina Patxik uko egin zion aukera honi. Beranduago, 23:00ak inguru, Mulako Epaitegiak igorritako auto baten ondorioz, Patxi Virgen de la Arrixacako ospitalera eraman zuten Kartzelaren eskariari jarraiki, bere bizitza arriskuan zegoelakoan.

Erlaitz erakundeko 7 gazte 48 orduko baraualdian Patxi Ruizekin elkartasunean

Patxi Ruiz euskal preso politikoaren egoera dela eta, Irungo Erlaitz gazte erakundeko 7 kidek 48 orduko baraualdia hasi dute gaurko 13:00etan, elkartasun keinu gisa. Patxi ospitaleratu dute, eta egoera ezin larriagoa denez, hori salatzeko aurrera eramango dute baraualdia.

Patxirekin elkartasuna adierazteko gaur, 20:30ean, San Juan plazan, kontzentrazioa antolatu dute, eta bihar, larunbata, 20:15ean Donostiako Bulebarrean manifestazio batera deitu dute.

Ostiralean berriz Patxi Ruizekin elkartasuna adierazteko kontzentrazioa Irunen

Data: 
Ostirala, Maiatza 22, 2020 - 20:30
Non: 
San Juan plaza

Patxi Ruizek hamaikagarren eguna bete du gaur gose eta egarri greban. 60 kilo pisatzen zuen atzo eta erizainak elektrokardiograma ere egin zion. Alabaina konfiantzazko medikuek erantzunik jaso gabe jarraitzen dute. Konfiantzazko medikuek analisi sakonagoak egin diezazkioten eskatu dute abokatuek epaitegira bidalitako fax baten bidez.

Asteazkenean Patxi Ruizekin elkartasuna adierazteko kontzentrazioa Irunen

Data: 
Asteazkena, Maiatza 20, 2020 - 20:30
Non: 
San Juan plaza

Patxi Ruizek gose eta egarri grebako zortzigarren eguna betetzen du gaur. Hurkoei egindako deian bere borroka berretsi du eta bukaerara arte joateko prest dagoela esan du. Egunak pasatu arren, konbikzio eta koherentzia osoz hitz egiteko gai izan da.

Azpimarratzekoa da Jesus Hernandez buru duen Zuzendaritzarekin biltzera eraman eta bere bizitzaren kontrako mehatxuak egin zizkiotenetik, kartzelako ezein arduradun ez dela Patxirekin hitz egitera hurbildu.

Orriak

RSS - Preso Politikoak-rako harpidetza egin