Otsailak 10ean, Arabako, Bizkaiko, Gipuzkoako eta Nafarroako pertsonak bertaratu diren EHPMko koordinakundearen bileran, pentsioak balio handitzeko lege prozesu onartezina baloratu dugu. Balorazio horretatik ondorio nagusiak argitaratzen ditugu: Onartezina da 21/2021 Legean xedatutakoak berme nahikorik ez izatea pentsioen errebalorizazioa koiuntura ekonomiko eta sozialaren mende ez egoteko eta alderdi politiko batzuek liskarrerako elementu gisa erabili ahal izateko.

Pentsioen igoera eraginkorra egiten zuen Lege Dekretuaren aurkako botoa urtarrilaren 29ko Kongresuko osoko bilkuran indargabetu zuten alderdi politikoek gobernuaren higadura estrategia gisa erabili dute, eta agerian uzten du PPrentzat, VOX, JUNTS, UPNk bere interes partikularrek lehentasuna dutela pertsonen bizi baldintzak hobetzearen aurrean. Pentsioen igoera eta ezkutu soziala delakoa indargabetzea da esaten dugunaren froga nabarmena.

Bestalde, onartezina da gobernua lege hau betetzen dela bermatzeko gai izan ez Sana, Egia da urtarrileko pentsioak jasotzen duela legeak babesten duen igoera, baina egia da baita ere pentsioak taula politikoaren pieza bezala jokatzeak segurtasun falta, ezinegona eta haserrea besterik ez duela sortzen pentsiodunengan eta bereziki daukaten pentsioarekin hilabete bukaerara iritzi ezin diren pertsonengan.

Otsailaren 3an, asteartean, pentsioen errebalorizaziorako Lege Dekretu berri bat onartu zen Gobernuan, otsaileko pentsioa igoerarekin ordaintzea ahalbidetzen duena, baina dekretu hori ez da sartu otsailaren 10eko Osoko Bilkuran berresteko.

Bileran, halaber, oso positibotzat jo dugu aurreko dekretua indargabetzeari eman diogun berehalako erantzuna, bai gure aldetik, bai Estatuko beste herri batzuetako pentsiodunen plataformen aldetik ere. Beste adibide bat da borroka dela gure eskaerak lortzeko dugun bermerik onena.

Alderdi guztiak, VOX izan ezik, pentsioen errebalorizazioaren alde agertu dira, baina errealitateak zalantzan jartzen du kontu hori.

Pentsioen errebalorizazioa ez da hilaren 10eko Osoko Bilkuran berretsi, eta ez da otsailaren 17ko eta 18ko hurrengo Osoko Bilkuretan egingo. Egoera hau onartezina da.

Partida batzuk pentsioekin eta gure pazientziarekin jolasten ari dira.

Horregatik guztiagatik, EHPMKk aurrerapauso bat ematera deitzen ditugu pentsiodunak, langileak eta herritarrak oro har. Pentsioen balioa handitzea berehala erabaki behar da Kongresuan.

Pentsioekin gertatzen ari dena onartezina da eta berriz ere tontotzat hartu nahi gaituzte. Ez gara konformatzen egoeraren araberako konponketekin, eta mobilizatzen jarraituko dugu, borroka baita gure helburuak lortzeko berme bakarra.

Ezkutu sozialaren indargabetzeak eragindako pentsiodun, langile eta kaltetuei dei egiten diegu hilaren 21ean eta 23an EAEn eta Nafarroan deitu genituen mobilizazioetan parte hartzera:

Otsailak 21 LARUNBATA

BILBON, 17:30 Eliptika Plazan
DONOSTIA, 12:00etan Boulevard

Otsailak 23 ASTELEHENA

GASTEIZEN, 12:00etan Plaza Berrian Plazan
IRUÑEAN, 12:00etan Udaletxeko Plazan

Estatuko beste herri batzuetako pentsiodunen plataformekin batera, mobilizatu egingo gara honako hauek exijitzeko:

• Pentsioen errebalorizazio automatikoa, bizitzaren kostuaren benetako igoeraren araberakoa.
• Urte amaierako ordainsaria (ordain-saritxoa) berrezartzea, pentsioen erosteko ahalmenaren urteko galera konpentsatzeko.
• Gutxieneko pentsioen funtsezko hobekuntza, igoera gorabehera, miserableak izaiten jarraitzen baitute, gutieneko bentzioa lanbide arteko gutieneko soldatarekin (LGS) parekatzea, genero-arrakala kroniko bihurtzea eta adinekoentzako diru-sarrera nahikorik ez izatea eragozteko; izan ere, lan-bizitza osoaren ondoren, gure bizibaldintzak urtez urte nola okertzen diren ikusten baitugu.
• EAE-n eta Nafarroan pentsiodunen diru-sarrerak osatzea, lanbide arteko gutxieneko soldatarekin parekatzeko.
  
  

Jo ta ke irabazi arte