Irungo EH Bildu.- Udal aldizkari honetan, Tribuna irekia izeneko atalean, udal talde politiko bakoitzak nahi dugun gaiari buruz hitzegiteko aukera dugu. Hau dela eta, iragan berri den Ekainean Yurre Ugarte idazleak Irunero aldizkarian sufritu zuen zentsura dela eta, gure espazioa berari eskeintzea erabaki genuen.
Mugitu Mugimendua.- Dirudienez, AHTren aurka Yolanda Barcina tartakatzeagatik auzipetu zituzten pertsonen aurkako prozesua ez da oraingoz amaitu.
Mugitu! Mugimendua.- Mugitu! desobedientzia mugimenduak antolatuta, AHTren aurkako III. Bizikleta-Martxa desobeditzailea egingo da, aurtengoan Nafarroan eta Araban barrena. Uztailaren 25ean hasiko da Castejon-en eta 8 eguneko ibilbidean Nafarroako Erribera, Tafalla, Iruñerria, Ollaran, Sakana, Arabako lautada eta Gopegira hurbilduko da, Gasteizen abuztuaren 1ean amaitzeko. Bizikleta martxan zehar hitzaldiak eta tailerrak, mahainguru eta eztabaidak, antzezlanak, kontzertuak eta protesta ekintzak egingo dira. Halaber, lurraren aldeko borroketan eta jendarte eredua eraldatzeko ekimenetan dabiltzan pertsona zein kolektiboekin elkartzeko eta esperientziak trukatzeko aukera emango du bizikleta martxak.
LKXT koop.- Ekonomia sozial eraldatzailea bultzatzeko espazioa den LKXT koop aurkeztu genuen orain hilabete batzuk. Ordutik, zenbait kooperatiba martxan daude bertan, hitzaldiak eta formakuntzak antolatu dira ere eta ekintzaile sozialen sarea osatzen hasi gara.
