Noticias

Donostiako Lilatoia martxoaren 9an

sugorri argitaratua 17 / Ots / 2014

Aurten, martxoaren 9an, hileko bigarren igandean, ospatuko da Emakumeen Lasterketa Herrikoia. 11etan abiatuko da Boulevardetik eta bertan izango du helmuga. 5 km egin beharko dituzte parte hartzaileek guztira.

Aurtengoa Lilatonen 25. edizioa dugu, Lilarollerren 6a.

Otsailaren 28an izena emateko epea bukatzen da eta internet bidez bakarrik egin daiteke. Horretarako KIROLPROBAK webgunea erabiltzen dute.

Hitzaldia: "pertsonak eta harreman eredu berri batekin erronkei aurre egiteko gaitasuna"

sugorri argitaratua 15 / Ots / 2014
Data: 
Asteartea, Otsaila 18, 2014 - 19:30 -tik 22:30 -ra
Non: 
Amaia KZ
Antolatzen du : 
Irungo EH BILDU

Bertan Peio Alcelay arituko da  hizlari gisa. Bera eta Koldo Saratxagaren esperientzia oinarri gisa hartuta harreman eredu berrien gogoeta egiteko parada ezin hobea izango da.

Hitzaldiak perfil  ekosozioekonomiko garbia badu ere, AMPO enpresaren ereduan oinarritua, egun gure gizartean geroz eta zabalduagoa den hausnarketa batekin dantzan ariko da; gauzak egiteko eta arazoak konpontzeko beste eredu bat posiblea dela alegia.

Irungo EH Bilduren jarrera Plaiaundiko kirol instalazioak berkokatzearen aurrean

ZKA argitaratua 13 / Ots / 2014

logo

Irungo EH Bildu.- 2013.ko abenduko osoko bilkuran, Bidasoaldeko hainbat eragilek idatzi eta BILDU - EB Berdeak Udal taldeak aurkeztuta, Plaiaundiko kirol azpiegiturak  eremu horretatik ateratzea proposatzen zuen  mozioa eztabaidatu zen Udalbatzan.

Mozio horren eztabaida gorabeheratsua izan bazen ere, ñabardurak ñabardura, talde guztiak ados jarri ginen kirol azpiegitura horiek eremu horretatik lehenbailehen atera behar zirela esateko.

Irungo EH BILDUk Osoko bilkura ezkero hainbat talde politikok erakutsi duen jarreraren aurrean  bere kezka azaldu nahi idatzi honen bitartez. Hain zuzen ere, Irundik kanpo eta Irungo Udala ez den beste instituzioei begira PNV zein PSE taldeak egin dituzten adierazpenak ez ditugu ulertzen ezta konpartitzen ere. 

Orriak

Front page feed-rako harpidetza egin