Hiru hilabete jarraian gora egin du langabeziak gure eskualdean. Otsailean baino 153 behargin gehiago zeuden lanik gabe martxo amaieran Bidasoaldean, zehazki: 132 pertsona Irunen eta 21 Hondarribian.
Irunen, gaur egun, 5399 lagun daude euskal enplegu zerbitzuan izena emanda, biztanleria aktiboaren %18,4 hain zuzen. Iazko martxoko hilabetearekin konparatua 168 langabe gutxiago daude orain.
Jada jakingo duzu Irungo udal gobernuak jaietako Moskuko gunea FICOBA-ra eraman nahi duela. Hori ekidin nahian tabernariak, eragile sozialak, elkarteak eta norbanakoak mugitzen ari dira.
EH Bilduk ere bilera zabal bat burutu zuen martxoaren 20an eta bere jarrera publikoki azaldu du azkenekoa atzo bertan. Bide horretan eta EH Bilduk egindako bileran SAC-en erregistro bidez eskaerak sartzea proposatu zen eta horri bide emanez eredu bat bidaltzen dizuegu (Hemen deskargatzea).
Zer egin horrekin? Lehenik eta behin zuen izenarekin bete eta SAC-en edo internet bidez erregistratu. Horretaz gain, zuen lagun eta kontaktuei bidali beraiek berdina egin dezaten.
Datorren larunbatean, apirilak 5, kontzertua egongo da Irungo Lakaxitan. 21:00etatik aurrera afaria eskainiko dugu bertaratzen direnentzat, eta ondoren hasiko dira jotzen taldeak: donNa die (Orereta-Irun), Madeleine (Donostia) eta Voltaia (Zumaia).
Ostiral honetan, 20-tan, elkartasun barrikotea izango dugu Hondarribiko Olagarro elkartean. Bakailu tortila, sahietsa, intxaurrak, gazta... Dena sagardoz eta elkartasunez lagundua!
15€-ren truke ondo pasatzeaz gain lagun dezakezu! Dena ez da ba lana izango!
