Berriak

Irunek baditu kalera ateratzeko nahikoa arrazoi

ZKA argitaratua 14 / Mar / 2013

cartel

Eragile talde handi batek, datorren martxoaren 15ean 20:00etan, Irungo San Juan Plazan kontzentrazio aldarrikatzaile bat antolatuko du “irundarron gehiengoak bizi dugun” egoera sozialarekin asperturik gaudela erakusteko.  

Mobilizazioa antolatzen dugun pertsona eta eragileok gure herrian ere lan eskubideen eta eskubide sozialen murrizketen erasoa jasaten ari garela bistarazi nahi dugu, lortzeko horrenbeste izerdi bota behar izan dugun eskubideetan alegia. Horretarako Irungo biztanleak beren sumindura eta aldarrikapenak adieraztera deitzen ditugu, kartel edota beste euskarrietan beren aldarrikapenak, goiburuak... ekarriz, egonezina ageriko egiteko.

Irungo Sorturen aurkezpen ekitaldia / Presentación de Sortu Irun

ZKA argitaratua 12 / Mar / 2013

Sortu AurkezpenaIrungo Sortu.- Egunon eta ongi etorri, Irungo Sorturen aurkezpenera etorri zareten guztiei. Hemen bildu garenok mezu argi bat helarazi nahi diogu Irungo herriari: sortu gara, eta SORTU gara. Ezker abertzaleak Irunen egin duen ibilbide luzearen baitan parte hartu dugun atzoko eta gaurko kideak bildu gara gaur Irungo Sorturen egitura berria aurkezteko. Horretarako, irundar andana sortzen ikusi dituen Ospital Zaharra aukeratu dugu. Lehen lerroan gaudenok osatzen dugu Irungo Sorturen Herri Kontseilua. Nire ezkerretik hasita aurkeztuko ditut kideak: Xabier Aierbe, Aitor Kaltzakorta, German Setien, Iker Eizagirre, Josema Alberdi, Oihana Llorente, Martxel Telletxea, Izaskun Sorondo, Oinatz Mitxelena, Agustin Errazkin, Tomas Karrera, Iker Urtizberea, gaurko aurkezpenera agertu ezin izan duen Juan Mari Arrozpide, eta neroni, Eli Aragon. Aurkezpenak eginda, nirekin batera Irungo Sorturen Herri Kontseiluaren izenean Martxel Telletxeak hartuko du hitza.

Chavez-i Omenaldiaren kronika

ZKA argitaratua 11 / Mar / 2013

argazkiaAskapena.- Martxoak 9 larunbata, 120 lagun bildu gera Irungo Urdanibia plazan (Mosku) Hugo Chavez komandantea omentzeko. Askapena erakunde internazionalistak deitutako ekimen honekin bat egin duten talde eta eragileak honako hauek izan dira: Irun eta Hondarribiako Sortu alderdia, EPK, Ezker Anitza, Irungo Eusko Alkartasuna,Gazte Komunistak, Irungo Ernai gazte antolakundea eta Republicanos Irunenes.

Ekitaldia, arratseko 19.00etan txapalarta doinuekin abiatu da, ondoren ohorezko agurra eta ekitaldiari amaiera emateko Irungo Askapenako kide batek hitza hartu du.

Xenofobia eta Arrazakeriaren kontrako Nazioarteko Borroka eta elkartasun eguna: Espainar eta frantses estatuen migratzaileen polítikari ez!

ZKA argitaratua 11 / Mar / 2013
Data: 
Larunbata, Martxoa 23, 2013 - 17:00 -tik Igandea, Martxoa 24, 2013 - 16:55 -ra
Non: 
Ficoba-tik (Irun) Hendaiara
Antolatzen du : 
Anitzak

KartelaAnitzak.- Martxoaren 21ean xenofobia eta arrazakeriaren kontrako nazioarteko borroka eta elkartasun eguna ospatuko da. Beste deialdi batzuetan egin dugun bezalaxe, fenomeno hauen kontra borrokatzen dugun mundu osoko zein Euskal Herriko eragile eta kolektiboekin, arrazakeria eta xenofobiaren adierazle nagusienenetarikoak diren atzerritarren politika instituzional autoritario, sexista eta murritzaileak salatzeko eguna izango da. Izan ere, politika horiek pertsona migratzaile edota errefuxiatuen eskubideak ukatzen dituzte. Aldarrikapen hau ez bada kontuan hartzen, justizia, giza berdintasuna edota aniztasunaren aitorpenak ameskeriak besterik ez dira.

Korrikaren aurkezpena Irunen

sugorri argitaratua 10 / Mar / 2013

Egun on denoi:

Gaurkoan, hemen bildutakook datozen egunetan hasiko den KORRIKA 18 ren berri eman nahi dizuegu.
Jada jakingo duzuen bezala, aurtengoan EMAN EUSKARA ELKARRI da leloa.

 Euskara da, izatez, euskal herritarrok ELKARREKIN bizitzeko aukeratu nahi dugun hizkuntza. ELKARRI hitz egiteko hizkuntza. ELKAR entzuteko eta ulertzeko.

Agerraldia

ZKA argitaratua 8 / Mar / 2013

Logo Irungo Bildu

Irungo Bildu.- Mezu honen bidez Emakume Langilearen Nazioarteko Egunaren harira Irungo Udaleko bozeramale batzordean atzo adostu zen adierazpenaren berri eman nahi dizuegu. Izan ere, Irungo Bilduk ez zuen babestu Eudelek sustatu eta Bilduk ez beste alderdi guztiek sinatu zuten manifestua, hutsune eta gabezia nabarmenak zirela tarteko. Horren ordez, bozkatzera ere iritsi ez zen testu alternatiboa aurkeztu genuen.

Hemendik adierazi nahi dugu, udalaren ebazpena babestu ez arren honek arratsaldeko 19:00etarako deitu duen elkarretaratzean parte hartuko dugula. Horrekin batera, argi adierazi nahi dugu bete betean egiten dugula bat Txingudi Anti Sexista plataformaren (TAS) deialdiarekin eta dei egiten diegula irungo herritarrei TASek deituta 19:30ean abiatuko den mobilizazioan parte hartzera.

Orriak