Bidasoa bizirik-ek Turislan sektore turistikoko lehen Enplegu Azokan parte hartuko du. Gipuzkoako Foru Aldundiak antolatu du, Ficoban. Martxoaren 27an (9:30-14:00 eta 15:30-17:30) eta 28an (9:30-14:00) izango da. Azokaren helburua da lurraldeko sektore turistikoa profesionalizatzea.
2013. urtean GURE ESKU DAGO herri dinamika sortu zenetik hamarnaka izan dira Euskal Herriaren luze zabalean erabakitzeko eskubidearen alde burutu diren ekimenak. Irunen ere ez gara geldirik egon. Oso urrun joan gabe, pasa den urtean, iniziatiba garrantzitsuak burutu genituen. Alde batetik, “erabakitzeko eskubidearen aldeko irungo adierazpena” aurkeztu genuen Oiasso Museoan eta bertan 300 irundar ezagun eta erreferenteren babesa jaso genuen. Bestalde, “eskuen eguna” burutu genuen Hondarribia eta Hendaiako kideekin batera, Irunera hainbat giza-zutabe ekarriz eta bertan burututako jaialdian milaka lagun elkartuz. Erabakitzeko eskubidearen aldeko aldarria indartzen ari da gure herrian.
Donostiako Metroaren igarobidearen “Lugaritz-Mirakontxa” zatia eraikitzeko asmoz Eusko Jaurlaritzak Antiguan aldean abian jarri duen desjabetza prozedura eten dezala eskatzeko ALEGAZIOAK prestatu ditu Satorralaia bizilagunen mugimenduak.
Jakitera eman dituzten datuen arabera, apirilean 120 bidasotarrak ezabatu dute bere izena Lanbide zerrendetan.
Irunen 92 pertsona gutxiago daude orain izena emanda Lanbide zerrendetan. Gaur egun, 4.099 lagun daude euskal enplegu zerbitzuan izena emanda, biztanleria aktiboaren %14,1 hain zuzen. Iazko apirileko hilabetearekin konparatua 494 langabe gutxiago daude orain Irunen.
Bidasoa bizirik.- Miguel Ángel Páezek, Bidasoa bizirik-en izenean, Translanekin proiektuaren hautagaitza gauzatzen duen hitzarmena sinatu zuen atzo Baionan, POCTEFA Europako programaren deialdiaren bigarren fasean. Lehen fasean hautagaitzen aurre-aukeraketa egin dute, eta azaroan, azken ebazpenaren berri emango dute.