Krisi kapitalista bat bizi dugu, zeinean Covid-19ak eragindako pandemiak, katalizadore funtzio bat betetzen ari duen. Azken urteotan ikusi ahal izan dugun moduan berregituraketa baten beharrean dago kapitala. Horren adibide dira aurreko akumulazio ereduari eusteko Europako Banku Zentralak martxan jarri dituen planak edo nabaria den gizartearen polarizazioa, klase ertainaren suntsipena eta gizartearen proletarizazioa. Birusak berak krisi sanitario bat sortu badu ere, burgesiak zabaldu duen iritziaren aurka, sistemaren egiturazko krisi honek kapital metaketaren logikari erantzuten dio, eta ez alderdi politiko baten edo bestearen kudeaketa txarrari. Kapital finantziarioak, politikari profesionalek eta enpresari handiek, egiturazko erreformak burutu ahal izateko probestu dute ezohiko kontestu hau.

BorBor hausnarketa kolektiborako plaza.- Gure kezka Irundik abiatu badugu ere, aintzat hartu behar dugu ultra-eskuinaren gorakada fenomeno globala dela. Horrenbestez, gure hirian eskuin-muturrak izan ditzakeen bilakaerak pentsatzeko, Bidasotik harago joatea ezinbestekoa dugu.