Kepa Ordoki Memoria Historikoa Bidasoan.- Bera, Hondarribia eta Irun bisitatu ostean, Bidasoako 90 deportatuak xede dituen erakusketa Hendaiako Gaztelu gelan egongo da ikusgai, azaroak 11tik aurrera. Kepa Ordoki Memoria Historikoa Bidasoan elkarteak antolaturiko erakusketa 10etatik arratsaldeko 17.30etara bisitatu ahalko da, azaroak 19 arte.
Irungo EH Bildu.- Azaroaren 25a emakumeen kontrako indarkeria ezabatzeko nazioarteko eguna da. Emakumeen kontrako indarkeria mota guztien aurka gaudela ozen adierazteko eguna da, eta, hori ez ezik, indarkeria sorrarazten duten eragile guztien aurka ere bagaudela esatekoa. Bizitza aske, seguru eta burujabeak eraikitzearen alde gaudelako.
Kepa Ordoki – Memoria Historikoa Bidasoan elkartea.- Oroimenaren bidean, beste katebegi bat itxiko du gaur Irunek. 2020ko azken Osoko Bilkuran aurkeztu zuen Kepa Ordoki – Memoria Historikoa Bidasoan elkarteak “Lluís Companys i Jover president katalanari aitorpena” ekimena. Orduz geroztik, bertan zehazturiko ekintzak burutu dira, eta gaur azkenekoa gauzatuko da: «Avenida zubian euskarri fisiko baten ezarpena, kataluniako presidentaren deportazioa azalduz eta Avenida zubiko entrega oroitaraziz».
Gipuzkoako Senideak elkartetik, Urtarrillaren 3an Irunen egingo den aurkezpenera gonbidatzen zaituztegu. Guk aurkezpenean parte hartuko dugu. Eskertuko genuke informazio hau zabaltzen laguntzea.
Interesekoa izango zaizuelakoan, bertan espero zaituztegu.
Euskal Herriko Pentsiodunen Mugimendua.- Gaur, urtarrilaren 24a, astelehena, Euskal Herriko Pentsiodunen Mugimendua kalera aterako da berriro, duela lau urte mobilizatzen ari garen lekuetan mobilizatzeko.