Irungo Artiako Lagunak-Amigos de Artia taldeak change.org plataforman 109 ezkiren mozketa bi fasetan ekiditeko sinadura bilketa hasi du. 47 zuhaitzen mozketaren lehenengo fasea onartu du udalak. Halaber, kalean ere ibiliko dira sinadurak biltzen.
Etxerat.- Francisco José Ramada Estévez "Bera" preso politiko irundarra lehenengo graduan mantentzea erabaki du Auzitegi Nazionalak, Espetxe Zaintzako Epaitegi Zentralak bigarren gradura pasatzeko eskatu zuen arren. Bera Murcia I espetxean dago, bere etxetik 790 kilometrotara.
Jakitera eman dituzten datuen arabera,martxoan 4.488 lagun zeuden lanik gabe gure eskualdean. Azken hilabetean 273 lagun gehiago daude langabezian Irunen eta 56 Hondarribian, aldi baterako enplegu erregulazioan aurkitzen diren langileak kontatu gabe.
Txingudiko Pentsiodunen Mugimendua.- Pena ematen digu eta hunkitu egiten gaitu pandemia honek eragiten dituen heriotzak, bereziki adineko pertsonengan, bereziki berriz ikusiko ez ditugun kideengan. Gure dolumina adierazi nahi diegu ukitutako familiei. Eskerrak ematen dizkiegu osasun-arloko eta zerbitzuetako langileek herritar guztien beharrei erantzuteko egiten duten ahaleginagatik.
Bidasoa KMO ekimena.- Maiatzaren 15an Baserritarren eguna ospatzen dugu urtero eta bizi dugun krisi egoera honetan, baserritarren lana bereziki aldarrikatu behar dugula iruditzen zaigu.
Bizi dugun egoerak argiki erakutsi digu askotan baztertua izan den lehen sektoreak duen garrantzia eta tokiko ekoizpena indartzea eta bertakoa kontsumitzea ezinbestekoa izango dela datorren egoeraren aurrean.