Datorren ekintzak

Hondakin organikoen bilketaren lehehengo datuen aurrean EH BILDU-ren oharra

ZKA argitaratua 12 / Abe / 2013

kartelaIrungo EH Bildu.- Txingudi mankomonitatean hondakin organikoaren bilketa maiatzean hasi zenetik lehenengo datuak argitaratu dituzte lehenedakari eta lehendakariordeak. Beraien balorazioa positiboa izan da, parte hartze eta bilketa handiagoa lortu delako.

Ez genuke ahaztu nahi, eskualdean 2011 urtean jarritako proiketu pilotuan izena emandako etxebizitzen erdiak ez zuela hondakin organikoa bereizten jarraitu. Herritarren borondatea eta kolaborazioari administrazioaren esfortzua gehitu behar diogu halakorik gerta ez dadin.

EH Bilduren oharra Urdanibia Plazako obren hasierarekin

ZKA argitaratua 18 / Urt / 2014

argazkiaIrungo EH Bildu.- Jakin badakigu edozein eremuetan obra batek zalantzak, kezkak eta ezinegonak sortzen dituela, obra hau ez da salbuespena izango. Irungo EH Bilduk bere egiten ditu Urdanibia plazako obrak auzotarrengan, saltzaileengan, tabernariengan, eta bertan bizitza egiten duten guztiengan eragiten dituen kezkak.

Gure taldeak hasieratik heldu dio gure herrian burutzera zioan obra honi eta auzoan lanketa bat abian jarri genuen. Bertatik ateratako ekarpenak ere aurkeztu genituen eta jarraipena egingo genuela adierazi dugu behin baina gehiagotan publikoki. 

Irungo EH Bilduren jarrera Plaiaundiko kirol instalazioak berkokatzearen aurrean

ZKA argitaratua 13 / Ots / 2014

logo

Irungo EH Bildu.- 2013.ko abenduko osoko bilkuran, Bidasoaldeko hainbat eragilek idatzi eta BILDU - EB Berdeak Udal taldeak aurkeztuta, Plaiaundiko kirol azpiegiturak  eremu horretatik ateratzea proposatzen zuen  mozioa eztabaidatu zen Udalbatzan.

Mozio horren eztabaida gorabeheratsua izan bazen ere, ñabardurak ñabardura, talde guztiak ados jarri ginen kirol azpiegitura horiek eremu horretatik lehenbailehen atera behar zirela esateko.

Irungo EH BILDUk Osoko bilkura ezkero hainbat talde politikok erakutsi duen jarreraren aurrean  bere kezka azaldu nahi idatzi honen bitartez. Hain zuzen ere, Irundik kanpo eta Irungo Udala ez den beste instituzioei begira PNV zein PSE taldeak egin dituzten adierazpenak ez ditugu ulertzen ezta konpartitzen ere. 

Eraso berria

ZKA argitaratua 6 / Mar / 2014

cartel

Txingudi Anti Sexistatik, Irunen gertatutako erasoa gaitzesten dugu gure indar guztiekin. Berriro ere indarkeri sexista gure kaleetan barna azaltzen da. Ez lukete berri hauek izan behar jendartea sumintzen dituztenak soilik. Indarkeri sexista desagertarazteko borroka etengabekoa izan beharko luke; emakume zein gizon eskubide eta aukera berdinak duten jendartea eratzeko bidean. Eta beldurrik gabe. Martxoak 8aren atarian gaudela, inoiz baino ozenago entzun beharko litzateke feministon ahotsa.

Martxoan 440 langabe berri gehiago Gipuzkoan, horietatik 153 Bidasoaldean

sugorri argitaratua 2 / Api / 2014

Hiru hilabete jarraian gora egin du langabeziak gure eskualdean. Otsailean baino 153 behargin gehiago zeuden lanik gabe martxo amaieran Bidasoaldean, zehazki: 132 pertsona Irunen eta 21 Hondarribian.

Irunen, gaur egun, 5399 lagun daude euskal enplegu zerbitzuan izena emanda, biztanleria aktiboaren %18,4 hain zuzen. Iazko martxoko hilabetearekin konparatua 168 langabe gutxiago daude orain.