Datorren ekintzak

Artiako lagunak 500 sinaduretara iritsi dira

ZKA argitaratua 26 / Ots / 2020

47 zuhaitzen mozketa Irunen500 sinadura lortu ditugu! Mila esker zuen sinadura eta laguntzagatik.

Artiako lagunak-Amigos de Artia.- Berriak ditugu: Jon Ugarte, Irungo udaletxeko Hirigintza, Garapen Jasangarria, Mugikortasuna, Bide Publikoa, Obrak eta Udaltzaingoko Batzorde Infomatiboko kide eta zinegotziak oraingo eskaileren lanetatik Azken Portu kiroldegiko eskailera elektrikoetaraino dauden 55 ezkiak ez dituztela moztuko ziurtatu digu. Halaber, datozen egunetan 47 ezkiak moztea justifikatzen duen txosten teknikoa erakutsiko digula ziurtatu digu. Txostena entregatzen denean, teknikari batekin aztertuko dugu eta gure proposamenak egingo ditugu bilkura batean.

Teknikaririk eta departamentu propiorik gabe, berdintasun plana ez da eraginkorra izango

ZKA argitaratua 14 / Mar / 2020

Oposizioko hiru bozeramaileak Berdintasun PlanaHondarribiko oposizioko hiru udal taldeok (Abotsanitz, PSE-EE eta EH Bildu) abstenitu egin ginen atzoko osoko bilkura barruko Berdintasun Planareren bozketan. Urtetan eskatu dugu Berdintasun Plan bat Hondarribirako, eta horregatik ezin genuen kontra bozkatu, oso garrantzitsua delako berdintasun politikak ezartzeko balioko duen dokumentu bat edukitzea. Baina, era berean, ezin genuen alde egin, ziur gaudelako berdintasun teknikaririk gabe eta departamentu propiorik gabe, Hondarribiko gizon eta emakumeen arteko I. Berdintasun Plana ez dela eraginkorra izango.

Solbes Supermerkatuak 2 langile kaleratu ditu, hoietako batek COVID-19an positibo eman ondoren

ZKA argitaratua 30 / Api / 2020

logo ELA SindikatuaELAk, osasun krisi honen erdian Solbesek bere Donostiako dendetako batean eta Hondarribikoan bajan erori diren langileen kaleratzeak salatzen ditu.

Kaleratutako bi langile horietako bat, COVID-19ko proban positibo eman eta ordu gutxira izan da kaleratua. Besteak, azkenean ez du COVID-19an positiborik eman baina prozedura berdina izan zen; medikuak baja hartzera behartu zuenean langilea, kaleratua izan zen.

Pandemiaren osteko legealdi berria

ZKA argitaratua 17 / Mai / 2020

Logotipo EH Bildu HondarribiaEH Bildu Hondarribia.- COVID-19 pandemiak agerian utzi ditu bizi dugun eredu sozio-ekonomiako ahuluneak: etengabeko hazkuntza ez da posible.

Hondarribiko ekonomian, azkeneko urteetan, turismoak hartu duen pisua gehiegizkoa da, badirudi jarduera ekonomiko oro hartzaile bilakatu dela. Ostalaritza, merkataritza, higiezinen agentziak, itsas kirolak, aholkularitza eta turismoari lotutako negozioak zabaltzen ari dira. Aztertu behar ditugu horrek guztiak ekarritako ondorioak.