Txingudiko Pentsiodunen Mugimenduak, astero bezala, herritarroi dei egiten dizuegu datorren astelehenerako, 12:00etan, San Juan plazan izango den kontzentraziora.
Martxoaren 8an kalera ateratzeko deia egin du Itaiak, "Emakume langileon interesen defentsan lege burgesa borrokatu" lelopean. Aldez aurretik, martxoaren 6an, "Emakume langileon ardura izatetik, asistentzia lanen sozializaziora" izeneko hitzaldia antolatu dute. Solasaldia larunbatean izango da, 17:30ean Palmera Montero gunean.
EH Bildu Bidasoa.- Larunbat honetan, martxoak 6, goizeko 10:30ean, EH Bilduk Herri Batzarra egingo du II. Kongresuko ponentziak Irunen eta Hondarribian aurkezteko. Bizi dugun egoeraren eraginez era telematikoan egingo den batzarrean, Garikoitz Mujikak, EH Bilduko zuzendari nagusiak, ponentzia politikoa eta ponentzia organizatiboa aurkeztuko ditu.
Irungo Urdanibia plazan (antzinako eliza ondoan) Nafarroako erriberako ekoizleen produktu dastaketa egingo dugu, 9:00etatik 14:00etara
Sortu Irun.- Martxoaren 4ean Araba, Bizkaia eta Gipuzkoako sindikatuek (LAB, ELA, CCOO eta ESK) greba eguna antolatu dute Gizarte Zerbitzuetan. Adineko zentroetako langileak, aniztasun funtzionalaren eremuan lan egiten dutenak, esku-hartze sozialeko langileak, adin txikiko zentroetakoak, etxeko langileak edota etxez etxeko laguntza ematen duten langileak daude grebara deituak.