Bihar asteazkenean, Emeki Elkartean, 19:00etan, Biodantza saio ireki bat ospatuko da.
IRATXE SORZABAL Irungo preso politikoa beste ataka zail baten aurrean egongo da datorren Irailaren 26an: Pariseko epaileak, bere aurka Madrilek egindako euroagindu-eskaerak ebatziko ditu. Beraz arrisku bizian dago Iratxe, torturatu zuen estatuaren esku berriro geratzeko.
Hori gertatzea nahi ez dugunok kalean egongo gara gure jarrera argi geratu dadin. Hitzordua bezperan -25ean asteartea 19:30etan- San Juan plazan.
Datorren astelehenean, irailak 24, eguerdiko 12tan, San Juan Plazan izango den manifestaziorako, Txingudiko pentsionisten Mugimenduak dei bat luzatzen die hiritar orori. Manifestazioa, San Juan Plazatik irtengo da eta Kolon pasealekua, Luis Mariano atzeko aldea, Aldapeta kalea, Kolon pasealekua zeharkatu ondoren,, San Juan plazan amaituko da.
60 postu eta 10.000 pintxo baina gehiago izango dira dastatzeko Zaporeak Proiektuaren aldeko jaian
Igandean, irailak 23an, ospatuko da Koxk! (Egin koxk elkartasunari!) gastronomia eta elkartasun festaren bosgarren edizioan Intxaurrondoko Bernar Etxepare plazan. Festaren helburua Zaporeak Proiektura bideratuko den dirua biltzea eta sukaldeak kalera ateratzera izango da.
Bihar larunbata irailak 22, goizeko 11:00etan Irungo udaletxe parean aldarrikapen hamaiketakoa egingo du Irungo Harrera Sareak, elkarteak egunerokoan detektatzen ari den beharrei erantzuna eskatzeko dagozkien erakundeei.