Emeki.- Datorren azaroaren 25a, Emakumeen Kontrako Indarkeriaren Aurkako Nazioarteko Eguna da eta Emeki elkartetik Hondarribiko Udalarekin elkarlanean ekintza ugari antolatu ditugu.
Hondarribiko EH Bildu.- Hondarribiko urriko udalbatzan EH Bilduk emakumeen aurako biolentzia desagerrarazteko nazioarteko eguna zela eta aurkeztu zuen adierazpenaren proposamena. Tokiko gobernuaren aldetik esan ziguten hobe zela adierazpena adostea eta denon artean sinatzea. Hori horrela gure proposamena bertan behera laga genuen.
Bidasoko Ikasle Abertzaleak.- Badator Azaroak 25, indarkeria matxistaren aurkako nazioarteko eguna, eta Bidasoako Ikasle Abertzaleak-etik bi ikastetxetan hitzaldiak egingo ditugu: Irungo Pio Baroja institutuan 10:45etan eta Hondarribiko Talaia institutuan 11:15 eta 12:35etan.
Aurten ere mobilizazioak prestatu ditu Itaia Emakumeon Antolakunde Sozialistak azaroaren 25erako, Indarkeria Matxistaren Aurkako Egunerako, "Indarkeria matxistari aurre egiteko sozialismoa eraiki" aldarri modura hartuta. Hain zuzen, Euskal Herriko 29 herritan deitu dute mobilizatzera Itaiako kideek. Irunen ere mobilizazioa antolatu du Itaiak, 19:00etan Moskun.
M8 plataforma.- Goizeko 11etan Zabaltza Plazan DBHko ikastetxeak antolatutako elkarretatzeari babesa emanen diogu. Arratsaldeko 18:30 indarkeria matxista ikustaratzea baten bitartzez, Colon Padealekuan Zabaltza eta Luis Mariano tartean.
Irungo EH Bildu.- Azaroaren 25a emakumeen kontrako indarkeria ezabatzeko nazioarteko eguna da. Emakumeen kontrako indarkeria mota guztien aurka gaudela ozen adierazteko eguna da, eta, hori ez ezik, indarkeria sorrarazten duten eragile guztien aurka ere bagaudela esatekoa. Bizitza aske, seguru eta burujabeak eraikitzearen alde gaudelako.
ONEKA.- Azaroaren 25ean, Emakumearen aurkako Indarkeria Ezabatzeko Nazioarteko Egunean, emakume nagusi, pentsiodun eta feministak izateagatik, ONEKA osatzen dugunok, emakumeok eta, bereziki, gure kolektiboak jasaten dugun indarkeriaren aurkako borrokan salatzen eta konprometitzen gara.
