“Eskola kirolaren festa”ren beste edizio bat burutu zuen atzo, maiatzak 24, Bidasoa Txingudi Mugaz Gaindiko Partzuergoak, Irungo, Hondarribiko eta Hendaiako ikasleak biltzeko asmoz. 2014az geroztik egiten da ekimena, eta ohi den moduan, FICOBA Erakustazokan izan da, 15:00etatik 19:00etara.
Aldi baterako erakusketen segida bati hasiera eman dio Bidasoa-Txingudi Mugaz Gaindiko Partzuergoak, Bidasoko Interpretazio Zentroan, Abenida zubian (Iparralde etorbidea, 63). Euskal kostaldeko Flysch-ari buruzko erakusketa da, Hendaiako CPIE - Euskal Itsasbazterra kostaldearen babeserako erakundeak, eta Luberri Fundazioa Oiartzungo geologia interpretazio guneak antolatua.
Nantesko Unibertsitateko Gizartea eta Lurraldearen Antolamendua eta Gobernantza Masterreko 16 ikasle Irunen egon dira, Bidasoa Txingudi Mugaz Gaindiko Partzuergoak eta Bidasoa bizirik-ek mugaz gaindiko lankidetzaren baitan dituzten proiektuen ezaugarriak ezagutzeko.
Irun, Hondarribia eta Hendaiako udalek, Bidasoa-Txingudi partzuergoaren bitartez, “Bidasoako bitxiak” pista jokoa antolatu dute. Joko honen bitartzez familiek (heldu eta haur bat gutxienez) Irun, Hondarribia eta Hendaiako hainbat puntu bizikletaz zeharkatzeko aukera eduki dute. Ekimen honen bitartez Irun, Hondarribia eta Hendaiako hainbat puntu ezagutzeko aukera eman da hiru hirietako herritarrei.
“Ibai izena duen eskualdea” margo erakusketa zabaldu dute, azaroaren 4an, 20:00etan, Hondarribiko eta Hendaiako Udalek, Bidasoa-Txingudi Mugaz Gaindiko Partzuergoaren bidez. Nazioarteko zubiei, Bidasoa ibaiari eta haren bokaleari lotutako lan ezberdinak ikusi ahal izango dira bertan. Maiatzaren erdialdetik uztailaren erdialdera aurkeztu zituzten lan horiek, Partzuergoak antolatutako mugaz gaindiko margo lehiaketan.
GUGEU programaren bosgarren edizioa martxan jarri dute Irungo, Hondarribiko eta Hendaiako Udalek, Bidasoa-Txingudi Mugaz Gaindiko Partzuergoaren bidez, eta Mugi Hadi Mondragon Unibertsitateko ikasleen elkartearekin elkarlanean. Euskararen, frantsesaren eta gaztelaniaren erabilera sustatzen da bertan, elkarrizketa taldeen eta parte hartzaileek bultzatutako jardueren bidez.
