Hasi da Donostiako Gros Xake Taldeak Karmelo Balda Pilotalekuan duen egoitzan urte honetako Gipuzkoako Emakumezkoen Xake Txapelketa Nagusia. Cesar Montolío FGAko lehendakariak zuzentzen du txapelketa, eta Lukas Iruretagoienak arbitro nagusia da.
Parean Berdintasun elkartea.- Irungo emakumeen historia ezagutzera emateko asmoz (H)ISTORIOEN MAPA egitasmoa sortu du Parean elkarteak. Bertan bi paseo interaktibo aurkituko dituzue.
Oneka Euskal Emakume Pentsionisten Plataforma.- COVID-19ren pandemia honetan bizi dugun alderdirik gogorrenetako bat, Zahar Egoitzetan bizi ziren ehunka adineko pertsonen heriotza da. Hildako asko dagoela esan digute, izan ere, "pertsona kalteberak direlako, mendekotasunpean bizi direlako eta beste patologia batzuk dituztelako". Heriotza horiek ez dira adinagatik, baizik eta gaixotasunaren arreta ezagatik eta egoitzetako baldintzengatik.
ONEKA Euskal Emakume Pentsionisten Plataforma.- Emakumeak eta haien mobilizazioa dira gaur egun munduan dagoen aldaketa indar indartsuenetako bat. Euskal Herriko emakumeok 50 urte baino gehiago daramatzagu gure eskubideen alde borrokan. Urtero, martxoaren 8an, kaleak betetzen ditugu eta gure zapalkuntza egoerak argitara ateratzen ditugu, publikoki eta politikoki.
Kepa Ordoki MHB elkarteakAbuztuaren 15ean omenaldia egingo zaio emakume errepresaliatuari Pikoketan Errepresio kasu ezberdinak web gune batean egongo dira kontsultagai “Izan zirenak eta izango direnak gogoan” dibulgazio proiektuan emakumeak jasandako 171 errepresio kasuri zabalpena emango dio Kepa Ordoki Memoria Historikoa Bidasoan elkarteak. Fusilaketak, atxiloketak, erbestea edota jazarpen ideologikoa bizi izan zuen emakumeak 1936 eta 1945 urteen artean Bidasoan.
Parean Berdintasuna Elkartea.- Datorren martxoaren 16an, larunbata, ‘Irungo emakumeak plazara!’ paseo historikoa egingo du Parean Elkarteak. Izen bera duen dokumentala aurkeztu genuen, pasa den otsailaren 21ean Oiasso museoan lehenengo eta astebete beranduago Amaia Antzokian, lehen emanaldian kanpoan geratu zirenei harrera egin asmoz. Era berean, martxoaren 7an berriz ikusi ahalko da Amaia antzokia handian, Irungo Udalak herriko eskoletako DBHko ikasleak gonbidatuko ditu bertara.
Datorren otsailaren 21ean, ostegunez, 19.00tan, Parean elkarteak ‘Irungo emakumeak plazara!’ dokumentala proiektatuko dugu Oiasso museoan. Dokumentala euskaraz den arren, gaztelerazko azpitituluak izango ditu eta kontziliazioan laguntzeko asmoz, haurtxokoa egongo da.
