bidasoa.hitza.eus.- Negoziazioek ez dute aurrera egin eta apirilaren 29, maiatzak 4 eta 5ean greba egingo dute ELA Sindikatuaren babesarekin.

Udal garbitzaileek greba egingo dute apirilaren 29, maiatzak 4 eta 5ean, hitzarmena berrikusteko eskaeraren erantzunak blokeatuta jarraitzen baitu ELA Sindikatuak jakinarazi duenez. Era berean, soldata arrakala deuseztatzea eta kontratu partzialak osoak bilakatzea dira lortu nahi dituzten beste helburuak, eta oraingoz horiek betetzea urrun ikusten dute.

Bidasoa Osasun Plataforma.- Otsailaren 26an, larunbatean, Osakidetzako sindikatuek manifestazioa deitu dute, 12: OOtan, Donostiako Bulebarrean, lehen mailako arretaren egoera larria eta ospitaleko arretaren gainkarga salatzeko.

LAB sindikatua.- LAB sindikatutik Gipuzkoako helduen egoitzetako langileei otsailaren 16ko eta martxoak 24ko greba egunetara batzeko deia luzatzen diegu, bai eta Gipuzkoako jendarteari langileen aldarrikapenak babestu eta elkartasuna adierazteko eskatu ere.

LAB Sindikatua.- Gipuzkoako helduen egoitzetako egoera lotsagarria da, urteak daramazkigu sektoreko errealitateazein den salatzen, baina erakunde eta enpresen jarrera ikusita, badirudi gatazka langile, egoiliar eta hauen senideena dela soilik. Baina guk zerbait argi badugu honakoa da: egoera honek jendarte guztiari eragiten diola.

Mobilizazioa egin du gaur LABek Donostian, Gipuzkoako Foru Aldundiaren egoitzaren aurrean. Bertan, herrialdeko helduen egoitzetako egoera larria ezagutarazi eta lehenbailehen irtenbidea eman behar zaiola aldarrikatzeko grebarako delaldia luzatu du irailaren 23 eta 24rako.

Hezkuntza Plazara Ekimena.- Haurreskolak partzuergoko langileek otsailaren 22, 23 eta 24an burutuko dituzten grebak direla eta, Irungo Hezkuntza Plazara ekimenak babes eta elkartasun kanpaina zabaldu du irungo ikastetxe ezberdinetan.

Gaur, urtarrilak 28 Greba eguna da Osakidetzan. Jakin badakigu horrela izanda ere langileek ezintasunak izango dituztela beren haserre eta aldarrikapenak kalera ateratzeko. Zentzuzko aldarriak baina antza, Eusko Jaurlaritzak entzun ere ez dituenak egin nahi.