Abotsanitz.- Azken egunotan, hainbat hedabidetan EAJ-PNVren adierazpenak ikusi izan ditugu, azken lau hilabeteetan Abotsanitzek Hiri Antolamenduko Plan Orokorrari dagokion kudeaketa kritikatuz. Zehazgabetasuna, erabakirik ez hartzea edota prozesua nahita luzatzea egozten digute.
Eguzki talde ekologista.- Hondarribiko HAPOri alegazioak jartzeko epe barruan, Eguzki talde ekologistak 3 alegazio aurkeztu ditu. Gobernu talde berriak epea luzatzeaz gain, bitartekoak eskaini ditu dokumentua hobeto ulertzeko, eta beraz, erakutsitako jarrera hori txalotu nahi dugu.
Hondarribiko EH Bildu.- Pasa den ostiralean, irailak 29, bukatu zen indarrean dugun Hondarribiko Udal Antolamendurako Plan Orokorraren hasierako onespenari alegazioak egiteko epea. Gogoratu behar dugu Plan Orokorraren hasierako onespen dokumentua, udal hauteskundeen aurretik onartu zuela EAJ-k, oposizioko hiru talde politikoen aurkako jarrerarekin, tartean EH Bildu.
Hondarribian Bizi Nahi Dugu plataformak bisita gidatu bat antolatu du Itsas Etxeko erakusketa aretoan, Hiri Antolamenduko Plan Orokorraren proposamenaren gakoak azaltzeko helburuarekin, ostiralean, hilak 22, arratsaldeko 19:00tatik 21:00tara.
Hondarribiako EH Bildu.- Legealdiaren erdia bete dugu, eta, sinesgaitza badirudi ere legealdi-planik gabe gaude. Idatziz eskatu dugu, mozio bitartez, ahoz ere eskatu eta erregutu dugu, baina, alferrik.
Hondarribiko EH Bildu.- Hondarribia Hiri Antolamenduko Plan Orokorrik(HAPO) gabe dago. Lurraldearen antolakundea eta haren erabilerarako irizpide eta lerro nagusiak zehazten dituen araubiderik gabe gaude, hau da, hurrengo urteetarako eredu ekonomikoak, giza harremanak, naturarekiko erlazioa eta gure hizkuntzarekikoak beste gauzen artean, baldintzatzen duen araubiderik gabe gaude. HAPOrik gabe ibiltzea gaur egun GPSrik gabe ibiltzea bezalakoa da. Gaizki egindakoek HAPOrik gabe utzi gaituzte. HAPO egitea, bada, prozesu luzea, korapilatsua eta garestia da. Bertan behera laga digutenak, kasurako, milioi bat euroen bueltan kostatu zitzaigun. Kontuak atera!
Hondarribiko hirigintza-plana deuseztatzen duen laugarren epaia ebatzi dute epaileek
Abotsanitz.- Euskal Autonomia Erkidegoko Justizia Auzitegi Nagusiko Administrazioarekiko Auzien Salaren bigarren atalak Hondarribiko Hiri Antolamenduko Plan Orokorrari (HAPO) buruzko laugarren epai deuseztatzailea eman du. Kasu honetan, Jaizkibel SA enpresak aurkeztutako errekurtsoari erantzuten dio.
