Azken emanaldi honekin, Irunabarrek agur esango digu, euskara eta bertsoak protagonista izan diren urteetako elkarlanari amaiera emanez. Zalantzarik gabe, faltan botako dugun jardueretako bat, euskararekiko konpromisoagatik eta bertsoak aldizka entzuteko aukera zegoen "plaza" bakarrenetakoa izateagatik.
Azaroaren 5ean izango da hurrengo Kabigorriko bertso gaua, hileko lehen ostegunarekin batera, ohitura den moduan.
Honako honetan, Miren Artetxe hendaiarrak, Aimar Karrika auriztarrak, Maider Arregi oñatiarrak eta Iñigo Ugarte irundarrak kantatuko dute, Zuhaitz Olazabal irundarraren esanetara.
Hemen dira Kabigorriko ostegunetako bertso gauak. Urriaren 8an izango da lehen saioa, arratsaldeko 19:30etatik aurrera, eta aurreko bi ikasturtetan bezalaxe, hala izango da datorren urteko ekainera bitarte ere; ilabeteko lehen ostegunetan (salbuespenak salbuespen), 19:30etatik aurrera, Kabigorri Bidasoaldeko Ateneoan.
Irunabar (Irungo Bertsoaren Bilgunea).- Urriko lehen astean ekingo diogu ikasturte berriari Txingudiko Bertso Eskolan. Eskolak doan dira, beti bezala, eta urritik ekainera bitarte duzue izen-emateko aukera. Izena emateko, parte hartu nahi duzuen taldeko arduradunari deitu, edo mezua bidali, bestela, irunabar@gmail.com helbide elektronikora.
Irunabar.- Laugarren urtez jarraian Irunabarrek, Irungo Bertsoaren Bilguneak, Irungo Bertso Eskolen Eguna antolatuko du, amaitzear den ikasturteari behar bezala agur esan eta datorrenari begira jartzeko.
Irunabar.- Ekainaren 4erako dago deituta 2014-2015 ikasturteko azken bertso gaua, 19:30etan Irungo Kabigorrin, Bidasoaldeko Ateneoan. Manu Goiogana irundarra Lesakatik helduko diren Manolo Arozena, Juan Mari Lopez eta Joxe Juan Zubieta “Etxabe”rekin ariko da eta, era berean, guztiek egin beharko dute bertsotan Oihana Aranburu hondarribiarraren aginduetara, berak jarriko baititu gaiak, eta berak saioa aurkeztuko.
Urtea nahi baino bizkorrago joan den honetan, ikasturteko azken aurreko saioarekin topo egin dugu. Maiatzaren 7an, arratsaldeko 19:30etatik aurrera, Saioa Alkaiza iruindarra, Miren Artetxe hendaiarra, Nahikari Gabilondo zarauztarra eta Egoitz Zelaia hendaiarra ariko dira bertsotan.
