Atzo Arkaitz Bellon Puerto I-en zegoen euskal preso politikoa hilik topatu zuten, dirudienez bihotzekoak jota, etxetik mila kilometro baino gehiagora.

36 urte zituen gazte elorriotarrak, eta hamahiru urte eta hiru hilabeteko zigorra betetzen ari zen kale eraso batean parte hartzea egotzita. Hiru hilabete barru zen zigorra kitatzekoa, maiatzean.

Atzo Irunen, hamarnaka lagunek Herrira-ren aurkako polizia operazioan atxilotuei eta euskal preso politikoei beraien elkartasuna adierazi zieten.

Eguerdian, "Euskal presoen eskubideen alde - konponbidearen alde" lemapean 73 lagun bildu dira udaletxearen aurrean gehiengo sindikalak deituta Herrira-ren aurkako polizia operazioa salatzeko.

Bukatzerakoan gogoratu dute presoen eskubideen alde 20:00tan Zabaltza plazatik manifestazioa abiatuko dela.

Beste behin ere, irundarrek presoekin elkartasunak ez duela mugarik erakutsi zuten.

Joan den larunbatean, eguraldi txarrari aurre eginez, euskal preso eta iheslariak Euskal Herriratzeko eskatu zuten mosaiko erraldoi bat egiten San Juan plazan.

Aurten ere, iaz bezala, Herrirak Euskal Herriko herri eta auzoetako plazak jendez betetzera deitu du presoen eskubideen alde eta espetxeak hustu bidean. Espainiar eta frantziar estatuen blokeo estrategia gainditzeko herritarroen aktibazioa beharrezkoa da.Beraz, urtarrileko mobilizazio erraldoiaren ondotik, plazak betetzeko erronkari helduko diote.

Xabier Lopez Peñaren heriotza eta euskal preso politikoek modu iraunkor eta bortitzean pairatzen dituzten giza eskubideen urraketak salatzeko mobilizazio nazionala antolatu du Herrirak. Protesta honen bitartez mezu argi bat helarazi nahi dugu: Inoiz gehiago ez. Berriro gerta ez dadin. Ez dugu heriotza gehiagorik nahi, ez dugu sufrimendu gehiago nahi.