Osasun Bidasoa Plataformak, kirofanoen berehalako itxieraren aurrean, elkarretaratzea antolatu du. “SOS Kirofanoak! Kirofanoak ez itxi! Eta errespetatu Bidasoa!” lemenpean.
EH Bildu.- Batzar Nagusietako osoko bilkuran, EH Bilduk ebazpen-proposamen bat aurkeztu du Eusko Jaurlaritzari Bidasoako eskualdeko ospitaleko obrek Irun, Hondarribia eta Bortzirietako osasun-zerbitzuan izango dituzten eraginak argitzea eskatzeko. Zehazki, Osakidetzari eskatu diogu bloke kirurgikoa berritzeko lanak ez hasteko, harik eta langileekin erreforma obren helburuak eta ondorioak adostu arte.
Osasun Bidasoa Plataforma.- Hemen gaude, Gipuzkoako Batzar Nagusietan, alderdi politikoei eskatzeko herritarrei entzun diezaieten; izan ere, ez ahaztu, hautetsiak herritarren ordezkariak direla, ez dituztela beren burua edo beren interes pertsonalak eta/edo alderdien interesak ordezkatzen.
Datorren asteazkenean, martxoak 9, Gipuzkoako Batzar Nagusietan Bidasoa Ospitaleko bloke kirurgikoa berritzea aztertuko da, eta, beraz, Osasun Bidasoa Plataforma erakunde horren egoitzaren kanpoaldean bilduko da, goizeko 9:00etatik aurrera.
Bidasoako Ospitaleko zerbitzu kirurgikoak.- Ostiralero bezala, hilaren 25an, 14etan, Bidasoako Ospitaleko profesionalok ospitaleko sarreran kontzentratuko gara, bloke kirurgikoa birmoldatzeko Osakidetza/Bidasoako Ospitalearen planaren aurka protesta egiteko.
Bidasoa ospitaleko langile kirurgikoek herritar guztiei gonbidapena luzatzen diete OTSAILAREN 19an Irungo San Juan Plazan arratsaldeko 18:00etan izango den manifestazioan parte hartzera. Aldarrikatu nahi da gure eskubidea dela eskualdean kalitatezko arreta kirurgikoa bermatzea, gaur egungo osasun beharrei erantzuteko premiazkoak diren ebakuntza gela zabalagoak eta modernoagoak eraikitzen diren bitartean.
Abotsanitz.- Larunbat honetan, Osasun Bidasoa Plataformak deituta, arratsaldeko 6tan Irungo San Juan Plazatik abiatuko den manifestaziora joateko deialdiarekin bat egingo du Abotsanitzek. Bidasoan kirofanoak itxi ez ditzaten, lanen birplanteamentu bat egiteko aldarrikatuz.
