Abotsanitz.- Zaldunborda pelotazo bat zela denok susmatzen genuen, eta orain, auditoria independente batek berretsi du delitu penalak egon daitezkeela, hala nola iruzur edo estafa prozesala eta dokumentufaltsutzea.
Irungo herritarrei informazioa emateko asmoz Zaldunbordako makro outlet-aren proiektuak gure eskualdera ekarritako inpaktu larriei buruz, Bidasoaldeko Lagunak elkarteak otsailaren 15ean, larunbata, prestatu dugun hiri martxarekin bat egiteko gonbitea luzatzen die irundarrei.
Herria zaindu, Zaldunborda Gelditu plataformak antolatutako hitzaldia eta debatea.
Zaldunborda Gelditu Plataforma.- Ikusita zein izan den Hondarribiko alkatearen zein bera eusten duen EAJ-PNV alderdiaren jarrera, bai aurreko ostegunean, hilearen 19an, izandako udal bilkuran, zein hurrengo egunean alkateak berak emandako prentsaurrekoan, argi gelditzen da alkateak eta bere alderdiak Zaldunbordako makro outlearen proiektu itzel eta zentzugabekoaren aldeko apustu irmoa egiten dutela.
IBILBIDEA
Ia lau urteko bidea egin du Zaldunbordako auzi honek. Ez zen HAPOarekin hasi, ez. 2016an hasi ziren Zaldunborda Gainaren eztabaidak Hondarribia Lantzen enpresa publikoan. Alkateak erabaki zuen Hondarribia Lantzenen bitartez egitea, udalak berezkoak dituen bermeak saiheste aldera (hala aditzera ematen zuen Luis Mari Oyarbide abokatuak eginiko txostenak).
