Parean elkarte.- Parean elkartetik haur literaturaren inguruan gogoeta egitera gonbidatu nahi dugu ikusgai jarri dugun ikus-entzunezko bitarteko honekin. Irungo Txingudi ikastolako BHiko Ikasle, zuzendaritza eta irakasleen, Patata Tropikala antzerki laborategiko aktoreen eta Bira Produkzioak kooperatibaren laguntzarekin egin ahal izan dugu egitasmo hau.
Abotsanitz.- Joan den martxoaren 2an, udalbatzaren osoko bilkura ospatu zen. Abotsanitzek bi mozio aurkeztu zituen bertan. Lehenengoa “Kirol Txartela Mugiment” ekimenera atxikitzeari buruzkoa eta bigarrena, errolda sozialari buruzkoa. Oso pozik gaude proposamenak onartzearekin, herritarrei erreztasun gehiago eta babes handiagoa emango baitiegu.
ELA Sindikatua.- Artaleku eta Azken Portuko (BPXport enpresak kudeatuta) langileek greba deialdia bertan behera utzi dute. Igande arratsaldean egindako asanbladan hartu da erabakia.Irun
Elkarretaratze jendetsua egin dute larunbatean arratsaldean Irungo San Juan plazan. Bidasoan eta Bortzirietan dauden osasun premiei erantzunik ematen ez dietelako atera dira kalera.
Irungo EH Bildu.- Koalizio abertzaleak EAJ eta PSEren hiriaren ikuspegi zentralista kritikatu du, baita Irungo auzoen beharrei erantzunik ez ematea leporatu ere. Biztanleriaren zahartzeak suposatuko duen erronkaren aurrean aurreikuspen falta salatu dute, euren iritziz, lIrungo auzo bakoitza oinarrizko zerbitzuekin hornitzeko apusturik egin ezean ezinezkoa izango baita herritarrak euren auzoetan duintasunez bizitzea.
AKE Aiza Kultur Elkartea.- Ordu t´erdiko solasaldi honekin Baztan Ibarreko ERDIZ BIZIRIK Plataforma eta Hondarribiko AKE Aiza Kultur Elkarteak antolatuta, Martxoak 9 arratsaldeko 19,00etan Hondarribiko Kultur Etxeko 103.gelan Landa-Eremuaren Defentsan izeneko solasaldia eskeiniko dute.
BAGERA NOUS SOMMES elkartea.- Emazteen Eskubideen Nazioarteko Egunak kutsu berezia du aurten, alde batetik emazteen eskubideen aurkako eraso larriekin (abortatzeko eskubidearen babesaren amaiera AEBn, emazteen eskubideen aurkako pentsio erreforma proiektua,..), baina baita berri on batzuk ere (abortatzeko eskubidearen konstituzionalizazioa Estatu Frantzesean, hilekoaren baimenaren onartzea Estatu Espainolean…).
