Irungo EH Bildu.- Irungo EH Bilduk hamabost zuzenketa aurkeztu dizkio udal aurrekontuen proposamenari. Proposamenak irundarrei begira egin dituztela azpimarratu dute, hala nola, etxebizitza, mugikortasuna, kirol azpiegiturak eta auzoetan hobekuntzak, bestek beste.
Alarde Publikoa.- Aspaldian jende askoren ahotan zebilen Meaka auzoko konpainia sortzearen nahia eta beharra. Bereziki auzoari lotuta gaudenok eta urteak daramatzagunok beste hainbat konpainietan parte hartzen sentitu izan dugu hori, bain zuzen ere. Nahiz eta Meaka Irungo antzinako lau auzo zaharrenetarikoa izan, ez baitu gaur arte tokirik izan konpainia gisa alarde parekidean.
Ba gera - Nous Sommes.- Eskerrik asko azaroaren 25ean, astelehena, Hendaiako tren geltokiaren aitzinean abesten, pankartak eramaten eta emazteenganako indarkeriaren aurkako elkarretaratze egun honetan performancearekin batera egon zineten guztioi (eskerrik berezi bat Inkorentzat musikarengatik).
Irungo EH Bildu.- Sonatua izan da azken egunetan hainbat elkartek udalak gabonetako ekitaldietan euskarari egin don mezpretxuaren aurrean egindako salaketa. Euskalgintzako eragileek, auzo elkarteek, guraso elkarteek eta beste hainbatek bat egin dute euskarak gabonetako argien pizte ekitaldian jaso duen eraso berria salatzean.
Artiako Lagunak.- Joan den azaroaren 24an, 120 km/h-tik gorako haizeteek Gipuzkoako dozenaka zuhaitzi eragin zieten, baita Artia auzoko Juan Thalamas Labandibar ezkiaren lerrokadura enblematikoaren ale bati ere. Horri erantzunez, Irungo Udalak beste lau ezki moztea erabaki zuen, eta Artiako Lagunak elkarteak arbitrariotzat, neurriz kanpokotzat eta udalak Ondare Berdearekin duen konpromisoaren kontrakotzat jo du neurri hori.
Berriro gertatu da, beste behin ere lIrungo Udalak ezikusiarena egin digu euskaldunoi. Ez da lehen aldia; zoritxarrez, ohituta gaude, ohituegi, eta mingarria bada ere, badirudi etsipenez hartzera ohitu garela.
