"Nicolás Guerendiain" Irungo Errepublikarrak.- Urtero bezala, 1936ko abuztuan Pikoketan hil zirenen aldeko omenaldia egin zen. Hainbat elkarte eta talde politikok hartu zuten parte. Amaitzeko, lore-eskaintza bat egin zen monolitoan Eusko Gudariak, Riegoren Ereserkia, la Internacional obren doinuen akonpainamenduarekin.
Abotsanitz.- Abotsanitz Udal Taldeak udal tasa eta zergen jaitsiera aldarrikatuko du urriko ohiko osoko bilkuran. Covid-19aren pandemiak eragindako atzeraldi ekonomikoaren eraginez KPIaren jaitsiera aurreikusi da. Hori horrela, udal zergak gutxienez indize horren jaitsiera adina murriztea eskatuko du Abotsanitzek. Hortik gorako edozer, herritarrentzat zergak igotzea suposatuko luke, eta egungo egoeran onartezina litzateke.
EH Bildu Hondarribia.- Hondarribiko udaletxeko sail ezberdinak 2021 urtean edukiko dituzten beharrizanak aurkezten hasiak diren honetan, aurrekontuen negoziaketen atarian gaudela gogorarazten digu. Gauzak horrela, Hondarribiko EHBildutik 2020ko aurrekontuen proposatutako programen balorazioa egiteko asmotan gaude.
ITAIAtik, orain arte Emakume Sozialiston Sarea izan denetik, idazten dizuegu, larunbat honetan (Urriak 24) 17:30tan, Irungo Palmera Montero Gunean egingo dugun ITAIAren talde lokalaren aurkezpenaren berri emateko.
Datorren 26an, hilaren azken astelehena denez, Txingudiko Pentsionisten Mugimenduak (MPT) manifestazio batera deitzen dizuegu. 12:00etan aterako gara San Juan Plazatik, Colon ibilbidean barrena ibiliko gara, ondoren Luis Mariano kalea zeharkatuta, berriro Colon ibilbidera joko dugu, eta manifestazioa San Juan Plazan amaituko dugu, udaletxearen aurrean.
"Nicolás Guerendiain" Irungo Errepublikarrak.- Iaz bezala, 1936ko abuztuan hildakoen omenaldia egingo dugu pikoketan.
