Alarde Publikoa.- Alarde Publikoak herritar guztiak agurtu nahi ditu, aurten ez baita Alardea egiterik izango, COVID-19 dela eta. Hartara, hiriko etxe guztietan diptiko bat banatu da; bertan, argazki batzuen artean, mezu batek honako hauek adierazten ditu: elkartasuna gehien sufritu dutenei, esker ona lehen lerroan egon direnei, eta krisi honetatik gizarte hobea, berdinagoa eta elkartuagoa izanik aterako garen konfiantza, itxaropena eta irmotasuna.

Irungo Harrera Sareak salatzen du berriz ere harrisku egoeran dagoen pertsona kalean utzi dutela aterpekoek. Urgentea da harrera irizpideak nola aplikatzen dituzten jakitea eta ezinbestekoa da, neurri hauek harrisku egoeran dauden pertsonak modu egokienean babestuko dituztela bermatzea.

Behe Bidasoako Eskubide Sozialen Karta.- Etxean geratu gara eta orain kaleak hartuko ditugu. Horrela dio gaurko mobilizazio egunaren deialdiak. Birusaren unerik txarrenetan ezinbestekoa izan da gure etxeetan konfinatzea, horretarako aukera izan dutenek behintzat, guztion osasuna bermatzeko. Orain ezinbestekoa da kalera ateratzea gure eskubideen alde borrokatzeko.