Bidasoako E.K.T.- Jakingo duzuenez, Gobernuak elkarteak irekitzeko baimena eman du , baldiltza batzuekin.
Hori dela eta, juntakideek, modu egokien dena antolatzeko asmoz martxan jarri gara.
Abotsanitz.- Herri Kanta Jaialdia udaran antolatzeko proposamena egin du Abotsanitz Udal Taldeak aste honetan, pandemiak eragindako neurrietara egokituta. Jaialdia hiru eszenatokietan burutuko litzateke aldi berean, eta talde guztiek hiruretan abestuko lukete. Horrela, jaialdia jarraitu nahi duten guztiek izango lukete horretarako aukera.
Gaurkoan Patxik bere 15. eguna betetzen du gose greban. Hauei lehenengo hamabietan egindako egarri greba batzen zaizkio. Bere egoeran ez dago aldaketa azpimarragarririk. Berrogeialdian jarraitzen du erizaindegian eta gose grebarekin aurrera jarraitzen du.
Gaurkoan Patxik bere hamairugarren eguna betetzen du gose greban. Ez da asko Patxiren inguruan gaur daukagun informazioa, baina daukaguna honakoa da:
Ostegun arratsaldean Murcia II-ko Kartzelak Patxiri eskaini zion ospitalera eramatea, baina Patxik uko egin zion aukera honi. Beranduago, 23:00ak inguru, Mulako Epaitegiak igorritako auto baten ondorioz, Patxi Virgen de la Arrixacako ospitalera eraman zuten Kartzelaren eskariari jarraiki, bere bizitza arriskuan zegoelakoan.
Patxi Ruiz euskal preso politikoaren egoera dela eta, Irungo Erlaitz gazte erakundeko 7 kidek 48 orduko baraualdia hasi dute gaurko 13:00etan, elkartasun keinu gisa. Patxi ospitaleratu dute, eta egoera ezin larriagoa denez, hori salatzeko aurrera eramango dute baraualdia.
Patxirekin elkartasuna adierazteko gaur, 20:30ean, San Juan plazan, kontzentrazioa antolatu dute, eta bihar, larunbata, 20:15ean Donostiako Bulebarrean manifestazio batera deitu dute.
Patxi Ruizek hamaikagarren eguna bete du gaur gose eta egarri greban. 60 kilo pisatzen zuen atzo eta erizainak elektrokardiograma ere egin zion. Alabaina konfiantzazko medikuek erantzunik jaso gabe jarraitzen dute. Konfiantzazko medikuek analisi sakonagoak egin diezazkioten eskatu dute abokatuek epaitegira bidalitako fax baten bidez.
Sortu Irun.- Egoera latz honen aurrean, Euskal Herri mailan, Sortu-k eginiko oharra helarazi nahi diegu Bidasoa eskualdeko herritarrei.
