Jakinarazi nahi dizuegu datorren martxoaren 9an (astelehena) berriro elkartuko garela, eguerdiko 12:00etan eta ohiko lekuetan, bai Hondarribian, bai Irunen.
gedar.eus - Bete egin dira Hondarribiko Gaztetxeko kideen aurreikuspenak, eta gaur, martxoak 5, izan da gaztetxearen desalojoa. Ertzaintza goizeko aurreneko orduan bertaratu da Egiluz jauregi ingurura, eta kalea moztu dute hainbat patruilak. Gaztetxearen atzeko aldetik sartzen saiatu ostean, ate nagusiko sarraila aldatu dute indar polizialek.
Irungo Harrera Sarea.- Europar Batasunak gerra deklaratu die migranteei. Guk harrera eta bakearen lurraldea aldarrikatzen dugu.
Datorren larunbatean, martxoak 7 eta goizeko 12etan, Irungo San Juan plazan biltzera deitzen ditugu herritarrak EB eta estatuen ibilbide lotsagarri eta gizagabea salatzeko.
Jakitera eman dituzten datuen arabera, otsailean 4.159 lagun daude lanik gabe gure eskualdean. Azken hilabetean 8 lagun gehiago daude langabezian Irunen. Hondarribiam pertsona bakarrak ezabatu zuen bere izena Lanbide zerrendetatik. Beraz, gure eskualdeak izaten jarraitzen du Gipuzkoa osoan langabezia-tasarik handiena duena.
Abotsanitz.- Txomin Sagarzazu Hondarribiko alkateak 500 euroko isuna ezarri dio Higertoki SL enpresari “zuhaitz mozketa eta betelana egin duelako Zaldunbordan, dagokion udal baimenik gabe”. Abotsanitzek salatutako ekintza hura arau-hauste arintzat jo du Sagarzazuk, eta legeak zehazten duen zigorrik txikiena ezarri dio enpresari.
Hondarribiko Gaztetxean dabiltzanak botako dituztenez, bertako dinamizatzaileek bertso saioa antolatu dute heldu den ostiralerako. Martxoaren 6an izango da saioa eta iluntzeko 20:00etan hasiko da. Bertan ariko dira kantuan, Jon Gurrutxaga azpeitiarra, Aitor Sarriegi beasaindarra eta Egoitz Zelaia hendaiarra. Gaztetxean egitea aurreikusi duten arren, aldez aurretik kaleratuko balituzte, Olagarro elkartean egingo lukete saioa.
Aurtengo ediziorako ezarritako bi erronka nagusiak bete dira, gazteen parte hartzea eta euskaraz idatzitako ipuinen kopurua nabarmen hasita. Asun Casasola Ipuin Lehiaketaren 5. edizioaren sari banaketa ostegun honetan, martxoaren 5ean, ospatuko dugu. Aurtengo edizioan 338 ipuin bildu ditugu, bost ediziotan izandako parte hartzerik handiena lortuz. “Ez zaude bakarrik” lelopean, sororitatea eta indarkeria matxistaren biktimei eskainitako babesa oinarri zituzten ipuinak bilatu ditugu.
