Gaur Irunen, pentsio duinak eskatzeko ehundaka lagunek manifestazio batean hartu dute parte. Mobilizazioa eguerdian San Juan plazatik atera da eta erdialdea zeharkatu ondoren udaletxe aurrean bukatu da.
Kalera ateratzeko eskaera garrantzitsuenak hauek dira:
- Pentsioen blindajea.
- Gure erosahalmenaren urteroko KPI erreala ezagututa pentsioak legez bermatzea..
Chiapas Enea proiektuaren aurkezpena.
Hizlariak: Erika Gomez Sanchez eta Beatriz Garcia Notario.
IRATXE SORZABAL Irungo preso politikoa beste ataka zail baten aurrean egongo da datorren Irailaren 26an: Pariseko epaileak, bere aurka Madrilek egindako euroagindu-eskaerak ebatziko ditu. Beraz arrisku bizian dago Iratxe, torturatu zuen estatuaren esku berriro geratzeko.
Hori gertatzea nahi ez dugunok kalean egongo gara gure jarrera argi geratu dadin. Hitzordua bezperan -25ean asteartea 19:30etan- San Juan plazan.
Irungo Harrera Sareak ekintza sinboliko honen bidez salatu nahi du migratzaileei Martindozenea aterpean sartzeko jartzen dizkieten traba eta murrizketak. Ondorioz, erakundeek harrerarako aurreikusi eta prestatutako 60 plazak ez dira inoiz betetzen.
Topatu.eus - 2018ko udan migratzaile andana iritsi da Euskal Herrira, batzuk muga pasatzeko gogoz, beste batzuk geratzekotan. Euskal instituzioen pasibotasunaren aurrean Lakaxita eta Txantxarreka gaztetxeak, besteak beste, era autogestionatuan antolatu dira etorkin hauei harrera egiteko.
http://topatu.eus/edukia/gaztetxeak-migratzaileen-etxeak-1
Bihar larunbata irailak 22, goizeko 11:00etan Irungo udaletxe parean aldarrikapen hamaiketakoa egingo du Irungo Harrera Sareak, elkarteak egunerokoan detektatzen ari den beharrei erantzuna eskatzeko dagozkien erakundeei.
Datorren astelehenean, irailak 24, eguerdiko 12tan, San Juan Plazan izango den manifestaziorako, Txingudiko pentsionisten Mugimenduak dei bat luzatzen die hiritar orori. Manifestazioa, San Juan Plazatik irtengo da eta Kolon pasealekua, Luis Mariano atzeko aldea, Aldapeta kalea, Kolon pasealekua zeharkatu ondoren,, San Juan plazan amaituko da.
