Aurten ere JAION antolatu dugu Lakaxita Gaztetxetik horretarako aukeratutako eguna apirilak 20 delarik, eta iazkoa espaziala izan bazen aurtengoa espeziala izango da, aurtengo edizioa, 10. JAIONa izango baita. 10 urtez kale okupazioaren bidezko gizarte iraulketa sortzaile eta dibertido gisa definitu genuen jaia ospatzen, eta horrekin batera, Lakaxitaren 8. urteurrena.
Zintzilik Irratia.- Aurten ere ZNN (ZER – NORI -NORK) AGUSTIN SARASOLA JARDUNALDIAK antolatu ditugu Oreretan iaz joan zitzaigun lagun eta irratikidea gogoratzeko. Iaz bezala Herri Komunikazioaren inguruan aritu nahi duten jardunaldi hauen antolaketan Mikelazulo elkartea, Oarso-Bidasoako Hitza, Herri Bizia eta Zintzilik irratia aritu gara.
Parte hartzaileak: Ateak Ireki (Iruñea), Angula Berria (Irun), eta Oreretako Zintzilik Irratia, Hitza, Herri Bizia eta Mikelazulo Elkartea.
Irungo Sortu-. Atzo Hondarribiko Josean eta Garbiñe epaitu zituzten Audientzia Nazionalean. Azpian dituzue Josean eta Garbiñeren lekukotasuna jasotzen duen bideoaren lotura eta Gara egunkariak gaur argitaratu duen albistea irakurtzeko esteka.
Bestalde, forentseen testigantza bideokonferentziaz jasotzeko arazoak medio atzoko epaiketa heldu den apirilaren 25era atzeratu zutela ogorarazi nahi dizuegu. Adi beraz!
Bidasoa Kaleratzeei STOP.- Hurrengo egunetan Espainiako Parlamentuan HELren bozketa izango da. Herri partehartze zuzenaren bidez aurkeztutako textua da Herri Ekimen Legegilearen bidez aurkeztutakoa eta milaka pertsonek dute bertan esperantza jarria, hauetako batzuk desjabetzera kondenatuak daudelarik eta beste batzuk etorkizun berdina espero dutelarik.
Zuek zuen bozka jadanik erabakia duzue, EZ bozkatuko duzue, eta ordezkatzen ez duzuen herritarren izenean egingo duzue, hauen iritzia gutxiesten, milaka familien egoerari kasurik egin gabe, zuen indarrak beraiengan zuzendu beharrean, eta guzti hau oso ondo ordainduak zaudeten bitartean.
