TXINGUDIKO Pentsiodunen Mugimendua.- Hiritar guztiok, oro har, ardura handiz ahalegindu gara, eta, bereziki pentsiodunok, osasun agintarien aholkuak betetzen; eta horri esker deseskalatze edo arintze faseetan sartzen hasi gara. Baina, erne eta erantzukizun handiz jokatzen jarraitu behar dugu, argi baitago Covid-19 kontrolatu gabe dagoela.
Abotsanitzek Patximoskeneako obraren kontrol jarraitua eskatu du, udal zerbitzu teknikoek 2019an salatutako irregulartasunen antzekoak antzeman eta gero. Dirudienez, Vusa eraikuntza enpresak baimendutako proiektua eraldatu du etxebizitzak eta trastelekuak elkartzeko, lurzoruaren eraikuntza maila gaindituz eta suteen aurkako babesa ahulduz.
Txingudiko Pentsiodunen Mugimendua.- Pandemia sekulako kolpea izan da gizarte guztiarentzat, eta bereziki, askoz gogorragoa izan da adinekoentzat. Lerro hauen bitartez, TPM Txingudiko Pentsiodunen Mugimenduak begirune osoa eta dolumina iritsarazi nahi dizkie hildakoen familiei eta gertukoei, kontuan izanik hildako asko eta asko pentsiodunak zirela.
EH Bildu.- EH Bildu indartuta atera zen igandeko hauteskundeetatik: inoizko parte hartzerik apelarekin ere botoetan gora egin genuen, baita legebiltzarkide kopuruan ere, EH Bildu ezkerreko alternatiba sendoa dela erakutsiz.
Erletxea informazio eta salaketa bulegoak astelehen honetan irekiko du bulegoa, 12:00etatik 13:00etara, Kale Nagusiko 5ean. Erletxeak uste du “informazio faltagatik bizi dugun edozein egoeratan eta are gehiagotan ezin garela eskubide gabe geratu”. Salaketa- eta aholkularitza-gune hau ireki duen zazpigarren urtea da.