Turismo bulegoetan hartutako bisitariak
3780 bisitari inguru pasa dira Irungo eta Hondarribiko turismo bulegoetatik, Aste Santuko oporretan zehar. 3637 hurbildu ziren Hondarribiko Arma Plazako eta Kirol Kaiko bulegoetara, eta 143 Irungo Luis Marianokora.

2016an 3800 bisitari izan zituzten turismo bulegoek. Datua ona da, beraz, bisitarien kopurua mantendu egin baita.
 

Krea Bidasoa 2017n lehen aldiz egingo den jardueretako bat izango da pertsona ekintzaileei zuzendutako “Growth Hacking”a. Marketing digitaleko tailerra da, inbertsio minimoari ahalik eta etekin handiena ateratzeko pentsatua. Gerrilla Marketing izena jarri diote horregatik.

Irungo eta Hondarribiko Udalak, Bidasoa Bizirik-en bidez, pertsona ekintzaileek haien proiektuetako lehen urratsetan izaten dituzten finantziazio arazoak konpontzeko lanean ari dira.2014az geroztik, eskualdearen garapenarekin konpromisoa edukiko duen finantziazio bide alternatiboaren bila aritu dira. Metta Bidasoa elkartea sortzea izan da lanaren emaitza.

Hodei programazioko ikastaro bat hartuko du Bidasoa bizirik-eko El Espazio de profesiones con futuro bulegoak, martxoaren 31tik ekainaren 19ra. Bi leku geratzen dira eta izen-emateak http://www.elespazio.com/sec_cursos.asp. web gunean egin daitezke. Doako ikastaroa da, aitzindaria teknologia berrien arloan.

“4.0 Industria”ko azken teknologiei buruzko erakusketa izango da aurtengo Krea Bidasoa azokako berritasun nagusia. Beso robotiko baten funtzionamendua ezagutzeko aukera emango du, etorkizunean, roboten eta gizakien arteko elkarbizitza nolakoa izango den imajinatzeko. 3D inprimagailuak eta inpresio material ezberdinak ere egongo dira, fabrikazio gehigarriaren abantailak ezagutzeko.

Bidasoa bizirik-ek Turislan sektore turistikoko lehen Enplegu Azokan parte hartuko du. Gipuzkoako Foru Aldundiak antolatu du, Ficoban. Martxoaren 27an (9:30-14:00 eta 15:30-17:30) eta 28an (9:30-14:00) izango da. Azokaren helburua da lurraldeko sektore turistikoa profesionalizatzea.

“Negozio digitalen garapena” izan da ikastaroaren izenburua, eta azaroaren 28tik urtarrilaren 11ra egin da. Guztira, arlo digitaleko enpresa proiektuen sustatzaile diren zazpi pertsona izan dira parte hartzaileak. Batzuek negozio ideia zehatzak zituzten, eta horiek aurrera eramateko prest zeuden. Beste batzuk enpresa berriak egonkortzeko fasean zeuden.