Eguzki eta Bidasoaldeko Lagunak.- Ingurumenaren alderdiari dagokionez, plataforman dauden ingurumen-taldeek EAJk osoko bilkuran izan duen jarrerari buruz egiten dugun balorazioa erabat negatiboa da. Txomin Sagarzazu alkatearen adierazpenak hipokresia-ariketa argia dira, errealitatearekin zerikusirik ez duena. Zabortegi zaharraren zigilatzea ingurumen onura gisa saldu nahi izatea, eusten ez den falazia bat da, eta adimena iraintzea.
Arriola kontseilariak eta Asensio foru diputatuak otsailean iragarri zuten Gipuzkoako Esparru Akordio berria urratu eta praktikan ia-ia ezerezean uzten du Aurrekontu Proiektuak.
Eusko Jaurlaritzaren 2020ko Aurrekontu Proiektuak, asko aldatu ezean, Gipuzkoako ibaiak saneatzeko lanetan atzerapen gehiago ekarriko dute, ez baitute nahiko diru aurreikusi Lakuak alor honetan hartutako konpromisoak betetzeko.
Abuztuaren 14an egingo den manifestazio antotaurinoan parte hartzeko deia
Donostia Antitaurina Orainek, Askekintzak eta Eguzkik.- Eneko Goiaren udal gobernuak zezenketak berrezarri zituen. Horren ondorioz, aurreko legealdia Illunben zezenak hiltzen hasi zen, eta, zoritxarrez, legealdi berria ere horrelaxe hasiko da, alkateak eman zuen hitza jan egin duelako. Izan ere, donostiarrok zezenketen inguruan dugun iritzia errespetatzeko hitza eman zuen, baina, donostiar gehien-gehienok udal instalazioak zezenketak egiteko erabiltzearen kontra gaudela konstatatu duenean, ez du bete, eta zezenketak sustatzen jarraitu eta jarraitzen du.
Eguzki.- Gaur eguraldia lagun, 200 lagun inguruk parte hartu dute Eguzkik deitutako Zumaia eta Deba arteko itsas bazterraren garbiketan. Bertaratuko guztiak zekiten zertara zihoazen baina benetan deigarria izan da arraldera iritsitakoan ikusitako hondakin (plastikoa ia dena) kopurua handia. Ahal den guztia bildu da eta gainontzekoa marearen eraginpetik aldetzen saiatu dira.
Erakundeen arteko koordinazioaren arrakasta itzela bailitzan, Aldundiek eta Eusko Jaurlaritzak Konifero-basoak berreskuratzeko euskal estrategia saldu berri digute, jakingo ez bagenu bezala Euskadin ditugun koniferoen baso bakarrak Araba mendebaldeko pinu gorrien pinudiak eta Dueñasko pinudi txikia direla, Aleppo espeziekoa azken hori.
Eguzki.- Nekazaritza, eraikuntza eta egurgintza bezalako arloek elkarrekin eragindako gainbera ikusita, Euskal Herriko mugimendu ekologistak baso naturalen (publiko zein pribatuak) birgaipenerako lana egin du hamarkadatan zehar: hariztiak, pagadiak, artadiak, haltzadiak, etabar.
Eguzki.- Aurtengo hegaluze kosteran ere sare pelagikoz arrantzatutako hainbat tona hegaluze porturatu da Ondarroan, zoritxarrez. Txalupa frantses eta irlandarrek sartu dute arrain hau portuan, bertoko arrantzaleentzako arrantza sistema hau ilegala delako.
