Irungo udalak moztu nahi dituen 47 ezkien adopzio kanpainak bere helburua lortu du, jakinarazi du Artiako Lagunak-Amigos de Artia bizilagun taldeak. 47 elkartek 47 zuhaitz hartu dituzte beren babespean.
Ezkiak hosto berde biziz jantzi dira dotore berriro ere, Artia auzoan (Irun). Laister entzungo dira euren baitan babesa aurkitzen duten txorien kanta alaiak. Ezti gozoaren usaina jarioko dute eta itzal ederra zabalduko dute beroaldian. Zorionak laguntzen bagaitu, udazkenean gorrituko dira urtero legez, neguaren biluztasunaren gogoetak lotsaraziko balitu bezala. Neguan, bronkiodun bizidunak direla oroitaraziko digute. Eta berriro iritsiko dira udaberriaren jantziak.
Irungo Udalak bertan behera utzi zuen Artiako 47 ezkiren mozketa. Jon Ugarte, Bide Publiko, Hirigintza Diziplina eta Etxebizitzako zinegotzi ordezkariaren hitzetan “Egungo alarma egoera bukatu arte ez da ezkien mozketarik egingo”.
COVID-19k sortutako egoera larriaren erdian berri onak ematen dizkizuegu Artiako Lagunak taldeak: 47 ezkien mozketa bertan behera utzi du Irungo Udalak.
Irungo Udalak uko egin dio Artiako Lagunak taldearekin beren eskaerari (www.change.org/los47tilosdeirun) buruz hitzegiteko eskaintzari. Oraindik ez ditu erantzun Artiako 47 ezkien mozketari buruzko gure galderak, balorazioak eta proposamenak, eta dena onartuta eta planifikatuta dago, astelehenean, martxoaren 23an, ezkiak mozten hasteko.
Artiako lagunak taldeak jakin du udalak 47 ezkiren mozketa planifikatuta duela martxoaren 23-27 astean zehar egiteko. Txandaka itxiko dute GI 636 errepidea mozketa horiek egiteko.
