Xabier Lopez Peñaren heriotza eta euskal preso politikoek modu iraunkor eta bortitzean pairatzen dituzten giza eskubideen urraketak salatzeko mobilizazio nazionala antolatu du Herrirak. Protesta honen bitartez mezu argi bat helarazi nahi dugu: Inoiz gehiago ez. Berriro gerta ez dadin. Ez dugu heriotza gehiagorik nahi, ez dugu sufrimendu gehiago nahi.
Larunbata eguerdian 200 lagun inguru elkartu ziren Irunen 197/2006 doktrinaren indargabetzea aldarrikatzeko. Krespoi beltza jarriaz zeraman ikurrina atzetik, etxean preso zegoen Angel Figueroa hil zela gogoratzeko, Irun herdialdeko kaleetan zehar biziarteko zigorraren aurkako oihua eraman zuten.
Hitzaldia:
Biziarteko zigorrik ez - 197/2006 doktrina eten
Hizlariak:
- Ainhoa Baglietto (euskal preso politikoen abokatua)
- Fermando Arburua (preso ohia eta Jaiki Hadi taldeko kidea)
Martxoak 7, osteguna
19:30tan
Irungo Ospital Zaharrean
Azken hilabetetan, Juanra Rojori eta Gabriel Zabalari (Irungo preso politikoak) 197/2006 doktrina aplikatu diete eta kondena betea izan arren beste 10 urte gehiago egin beharko dituzte barruan.
Europako Giza Eskubideen Auzitegiak aipatutako doktrina atzera bota zuen ilegala zela esanez, baina estatu espainolak helegitea aurkeztu du eta hilaren 20an errekurtsoa aztertuko da.
