EH Bildu Hondarribia.- Abuztuaren 26an, astelehenarekin, Hondarribiko alkateak hedabideei jakinarazi zien irailaren 8ko alardeko ordutegiak aldatu beharko liratekeela bere iritziz. Horretarako, alkateak honakoa proposatzen du: elkarte zibil batek (Alarde Fundazioa) antolatzen duen gizonezkoen desfilea 7:55ean izatea, eta Jaizkibel Konpainiarena ondoren.

Alkate jauna, zinegotzi andere-jaunak, herrikide, auzokide, lagunak eta adiskideak, egun on.

EH Bilduren izenean mintzo natzaizue. Ohorea da guretzat Hondarribia hiriko zinegotzia izatea, ohorea eta erantzukizuna, aldi berean. Badakigu EH Bildu dela legealdi berriko indar apalena baina horrek ez digu ilusio eta indar izpirik kentzen. Askatasuna maite dugulako eta haren alde lana gogor egiteko prest gaudelako.

Hondarribiko EH Bilduk mila boto baino gehiago lortu ditu egin berri diren udal hauteskundeetan, 2015eko hauteskundeetan baino 187 boto gehiago. Aurreko legealdian lortutako bi zinegotzi ditu EH Bilduk. Alderdi jeltzaleak, zinegotzi bat galdu arren, erabateko gehiengoa lortu du berriro ere. Halere, aldaketa esanguratsua da Alderdi Popularrak zeukan zinegotzi bakarra galdu izana; jarrera hertsia eta oldarkorra berdintasunaren auzian ordezkaririk gabe geratu da. Hori, berez, berri ona da.

Azken txanpan gaude eta hau duzue azken bideoa. Hondarribiko EHBilduko alkategaiak udalean euskararen alorrean dauden premiak eta aurrera eraman nahi diren proposamenak azaltzen dizkigu. Kanpaina osoan egin bezala, Hondarribia ere euskaratik eta euskaraz!

Hondarribian arazo larria dugu etxebizitzarekin. Politika instituzional bereziak egin behar dira gazteen emantzipazio prozesuan laguntzeko, zaintza eta bizitza prozesuak uztartuz hobeto bizitzeko eta etxe hutsen auziari behingoz ekiteko.

Hemen duzue programako udalari dagokion bideoa. Zertara goaz udalera instituzio bezala? Zein aldaketa gauzatu nahi ditugu?