LAB Sindikatua.- LAB sindikatuak jendaurrean adierazi nahi du erabat gaitzesten eta salatzen duela Irungo garbiketa-sektoreko hitzarmen kolektibo berriaren sinadura. Joan den otsailean hasitako negoziazioak hilabete honetan amaituko dira, gure sindikatuaren babesik eta langileen gehiengo errealaren adostasunik ez duen sinadura inposatu batekin.

EH Bildu.- Irungo PSEk eta EAJk Txenpereneako proiektuaren baitan egindako azken adierazpenen aurrean, EH Bildutik Udal Gobernuari arduraz jokatzea exijitzen diogu, eta proiektu honen atzean dauden kirol talde eta herritarrekiko errespetu handiagoa erakustea.

Podemos Irun.- Thania Pazosek idatziz eskatu die alkateari eta Kultura ordezkariari biharko emanaldia bertan behera uzteko, abeslariak Rafa Mir futbolariari (sexu-erasoagatik zortzi urte eta erdiko espetxe-zigorra ezarri diotenari) publikoki babesa adierazi ostean.

EH Bildu.- EH Bilduk gaitzetsi egin du Udal Gobernuak hiriko kultur elkarteekiko duen jarrera eta, zentzu horretan, Fuskal Jiraren antolakuntza aldebakarrez bereganatzeko erabakiaren gainean haustartzera deitu ditu PSE eta EAJ.

Alarde Publikoa.- Gero eta hurbilago ditugu herriko jaiak, eta haiekin batera heldu da San Martzial Alarde berri bat.

Lortutako aurrerapenak eta askatasunak arriskutan diruditen garai nahasiotan, guk berriro ekingo diogu Alarde parekide bat antolatzeari; alegia, aukera-berdintasuna jaiaren eta erritualaren muinean txertatua duen Alardeari. Aurten, gainera, konpainia berri bat izango dugu bidelagun, Meaka auzokoa.

Elkarrekin-Podemos.- Hiriaren hainbat elkarte feminista eta kulturalek salatu dutenez, Udal Gobernuak hil honetan osoko bilkurara eramateko asmoa duen plana ez da parte-hartze prozesu luze baten bidez egin zen dokumentu bera, eta ez die Emakunderen eskakizunei erantzuten, helburu bakar batekin: aietan berdintasuna bermatzeko ardura saihestea.