Kepa Ordoki komandantearen bizia, testuingurua eta oroimena jorratuko da, solasaldi baten bidez. Iñaki Egaña, Euskal Memoria Fundazioko Lehendakaria eta historialaria, eta Alberto Unamuno, Markina Xemeingo Ahaztuen Memoria elkarteko kideak, Ordokiren biziaren zertzelada nagusiak eskainiko dituzte.

Solasaldia irekia izatea espero da, bertaratuen parte-hartzea sustatuz.

“Gernika Batailoia, askatasun itxaropena (1945-2015)” dokumentalak faxismoaren kontra eta aliatuen alde borroka egin zuen euskal talde militarraren historia gogoratzen du. Kontakizuna 2015eko apirilean hasten da Pointe de Grave aldean gudariei egin zitzaien omenaldiarekin. Franck Dolosor kazetariak idatzi du doku-fikzio honen gidoia eta emanaldi egunean Irunen egongo da. Azaroaren 29an, 19:30etan, Irungo Palmera Montero gunean.

Kepa Ordoki Memoria Historikoa Bidasoan elkarteak “Bertsotan faxismoari aurre” bertso emanaldi gidatua antolatu du.