Gari Garaialde. Hitza.- Bertsio ofizialak dio zaintzeko daudela. Abdoulaye Bidasoa ibaia igaro nahian ito zenean instituzioek kezka adierazi nahi izan zuten eta ’Halakorik berriro ez gertatzeko’ haien eskura omen dauden baliabideak jarri zituzten. Guardia Civilaren patruilak dabiltza, geroztik, Bidasoaren alde honetan, errekari so, bazterrrak miatzen, zubipean begiratzen. ‘Halakorik berriro gertatu ez dadin’ ari dira zaintzen.
Irungo Harrera Sarea.- Gaur (atzoagatik) gizon bat hil da Irun eta Hendaiaren arteko muga zeharkatzen saiatzen ari zela.
Heriotza hori ezin dugu gertaera isolatu eta ustekabekotzat hartu. Testuinguru bati erantzuten dio gertaera horrek: migratzaile eta errefuxiatuei EB eta estatukideek aplikatzen duten migrazio eta kontrol politika arrazistak dira eragile zuzenak, bidaiatzeko bide hilgarriak hartzera bultzatzen baitituzte.
Irungo Harrera Sarea.- Azken egunotan, Bidasoa ibaian, Irun eta Hendaia artean, gazte migratzaileak gutxienez bi aldiz erreskatatu dituztela jakin du Irungo Harrera Sareak. Europa iparralderako bidean dauden pertsonak, Frantziako estatuaren muga itxieraren aurrean igerian pasatzen saiatzen direnak, eta lesioak eta nekea direla eta artatu behar izan dituztenak.
Bidasoko EH Bildu.- Urtarrilaz geroztik, ipar eta hego Euskal Herria lotzen dituzten zortzi pasabide itxi dituzte Frantziar eta Espainiar estatuek, «terrorismoaren kontrako borroka» eta migrazioa oztopatzeko argudioak aitzakitzat hartuta.
ecuadoretxea.org.- Euskal Herriko Emakumeen Mundu Martxak eta kolektibo feministek zapiak prestatuko dituzte ekintza kolektiboen konpromisoekin. Zapi horiek otsailaren 20tik 27ra bitartean jasoko dituzte eta V. Nazioarteko Ekintzaren itxierara eramango dituzte.
Irungo Harrera Sarea ohartuta dago duela aste batzuk ugaritu egin direla mugetako poliziaren kontrolak. Atzerritarren kontrolen eta atxiloketen lekuko izan gara. Gure eguneroko zereginetan, autobusen iritsieran polizia zain egoten dela ikusi dugu eta pertsona beltzei bakarrik eskatzen dietela dokumentazioa. Hau da, kontrol arrazistak. Pertsona atxilotu eta ordu batzuetara askatu egiten dute, geure begiokin ikusi dugunez.
antxetamedia.eus.- BRIC ezinez ezagutua den Inmigrazio Klandestinoari Erantzun Azkarreko Brigada poliziala Irunera bidali du. Eta migranteei paperak eskatzeaz gain, haien helburua omen da, migranteak irregularki muga pasatzera laguntzen dieten mafia talde ilegalak identifikatu eta deuseztea omen da.
