Landetxa Auzo Elkartea.- Dagoeneko XXXI.Aste Kulturala ospatzen ari gara eta hamaika ekintza ditugu aurretik. Tartean eta agian elementu bereziena, UNRWArekin antolatutako "Bakearen soinu mapa ilustratua, Palestinatik Gipuzkoara" izan daiteke.
Bor Bor hausnarketa kolektiborako plaza.- Iragan ostegunean hasitako zikloari gaur emango diogu amaiera, Avenida zubian, Irun eta Hendaia arteko mugan, hain zuzen, egingo dugun ekitaldiarekin.
Urriaren 3tik 5era ospatuko den Euskal Herriko txotxongilolarien 2. topaketaren barruan, Santi SOS elkarteak Lapizeko Auzokide Elkartean irekiko du topaketa hau datorren urriaren 3an, arratsaldeko 19:30etan, “Solamente SOS” helduentzako obrarekin. Ekitaldian haurrak zaintzeko zerbitzua egongo da.
Landetxako bizilagun talde handi batek Portzelanetako biribilgunean lapikokada batean kontzentratzen jarraitzen du egunero, astelehenetik ostiralera. Gainera, Landetxatik bat egiten dute Palestinaren aldeko deialdiekin, joan den asteburuan “Ibitik Itsasora” Martxan bezala.
ELA Sindikatua.- Gipuzkoako erresidentzietako eta eguneko zentroetako langileek iraileko bigarren greba eguna dute gaurkoa, irailaren 25a. Hori dela eta, elkarretaratzeak egingo dituzte Irungo eta Errenteriko zahar egoitzetan, enpresei eta Aldundiari honako hau eskatzeko: langileen artean dagoen soldata arrakalarekin amaitzeko, eta lan jardun osoko kontratuak.
